QR Qarjy mınıstrliginiń buıryǵy KO shekarasy arqyly jeke tulǵalardyń taýarlaryn ótkizýimen baılanysty týyndaıtyn quqyqtyq qatynasty retteıdi

ASTANA. QazAqparat - BAQ-ta Qazaqstan Respýblıkasy Qarjy mınıstriniń «Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterıılerin bekitý týraly» buıryǵynyń jekelegen erejelerin durys emes túsindirý materıaldarynyń shyǵýyna baılanysty Qazaqstan Respýblıkasy Qarjy mınıstrligi Memlekettik kirister komıteti mynadaı túsindirme berýdi qajet dep sanaıdy:

Belgili bolǵandaı, 2015 jylǵy 2 mamyrda Qazaqstan Respýblıkasy Qarjy mınıstriniń 2015 jylǵy 31 narýyzdaǵy «Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterıılerin bekitý týraly» buıryǵy kúshine endi.

Atalǵan buıryq alyp júretin jáne alyp júrmeıtin bagajda Keden odaǵynyń kedendik shekarasy arqyly jeke tulǵalardyń jeke paıdalanýǵa arnalǵan taýarlardy ótkizýimen baılanysty ǵana týyndaıtyn quqyqtyq qatynasty retteıdi.

Atalǵan buıryqtyń normalary tasymaldaýshy jeke tulǵanyń meken jaıyna jetkizetin jeke paıdalanýǵa arnalǵan taýarlarǵa jáne zańnamalyq normalarǵa sáıkes Keden odaǵynyń kedendik aýmaǵyna halyqaralyq pochta jóneltimderinde jiberiletin jeke paıdalanýǵa arnalǵan taýarlarǵa qatysty qoldanylmaıdy.

2010 jyly 18 maýsymda Sankt-Peterbýrg qalasynda Keden odaǵy boıynsha áriptesterimen Keden odaǵynyń kedendik shekarasy arqyly jeke tulǵalardyń jeke paıdalanýǵa arnalǵan taýarlardy ótkizý jáne olardy shyǵarýǵa baılanysty kedendik operatsııalardy jasaý tártibi týraly kelisimge qol qoıyldy.

Osy Kelisimge sáıkes kedendik tólemderdi tóleýden bosatyla otyryp, kedendik shekara arqyly ótkiziletin jeke paıdalanýǵa arnalǵan Taýarlar úshin mynadaı krıterııler belgilengen:

R\s

Taýarlar sanaty

Norm alar (salmaqtyq jáne qundyq)

1

Alyp júretin jáne alyp júrmeıtin bagajda Keden odaǵynyń kedendik aýmaǵyna ákelinetin kólik quraldaryn qospaǵanda, jeke paıdalanýǵa arnalǵan taýarlar

Áýe kóligimen :

kedendik quny 10 000 evroǵa barabar somadan aspaıtyn jáne jalpy salmaǵy 50 kılogramnan aspaıtyn

kóliktiń ózge túrleri:

kedendik quny 1500 evroǵa barabar somadan aspaıtyn jáne jalpy salmaǵy 50 kılogramnan aspaıtyn

2

Kólik quraldaryn qospaǵanda, tasymaldaýshy bir alýshynyń atyna kúntizbelik bir aı ishinde ákeletin, jeke tulǵanyń meken jaıyna jetkizetin jeke paıdalanýǵa arnalǵan taýarlar

kedendik quny 1000 evroǵa barabar somadan aspaıtyn jáne salmaǵy 31 kılogramnan * aspaıtyn

3

Keden odaǵynyń kedendik aýmaǵynda jeke tulǵa bolyp tabylatyn bir alýshynyń atyna kúntizbelik bir aı ishinde jiberiletin (bólinbeıtin taýarlardy qospaǵanda), jeke paıdalanýǵa arnalǵan taýarlar

kedendik quny 1000 evro barabar somadan aspaıtyn jáne salmaǵy 31 kılogramnan aspaıtyn

(salmaqtyq jáne qundyq normalar boıynsha keste shartty jalpylanǵan túrde keltirilgen)

Sonymen birge, kórsetilgen Kelisimniń 3-qosymshasynda jeke paıdalanýǵa arnalǵan taýardy sandyq krıterııge jatqyzý bekitilmegan, atalǵan krıterııler ulttyq zańnamada aıqyndalǵan.

Máselen, «Qazaqstan Respýblıkasynyń keıbir zańnamalyq aktilerine Qazaqstan Respýblıkasynda kásipkerlik qyzmet úshin jaǵdaıdy túbegeıli jaqsartý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy 2014 jylǵy 29 jeltoqsandaǵy № 269-V Zańymen «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 464-babynyń 3-tarmaǵyna mynadaı mazmunda tolyqtyrýlar engizildi:

«Keden odaǵyna múshe memleketterdiń halyqaralyq shartynda rettelmegen bóliginde jeke tulǵalar Keden odaǵynyń kedendik shekarasy arqyly ótkizetin taýarlardy jeke paıdalanýǵa arnalǵan taýarlarǵa jatqyzý krıterıılerin keden isi salasyndaǵy ýákiletti organ taýarlardyń sıpaty men sanyn, jeke tulǵanyń Keden odaǵynyń kedendik shekarasyn kesip ótý jáne (nemese) onyń osy shekara arqyly taýarlardy ótkizý jıiligin negizge ala otyryp aıqyndaıdy.».

Tıisinshe, 2015 jylǵy 2 mamyrynda «Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterıılerin bekitý týraly» Qazaqstan Respýblıkasy Qarjy mınıstriniń 2015 jylǵy 31 naýryzdaǵy № 250 buıryǵy (budan ári - Buıryq) kúshine endi, Normatıtvtik-quqyqtyq aktiler memlekettik tirkeý tizbesinde 2015 jylǵy 16 sáýirde № 10738 bolyp tirkelgen.

Buıryq alyp júretin jáne alyp júrmeıtin bagajda keden odaǵynyń kedendik shekarasy arqyly jeke tulǵalarmen taýarlardy jeke paıdalaný úshin ótkizýge baılanysty týyndaıtyn quqyqtyq qatynasty retteıdi (1-kesteni qarańyz).

Alyp júrmeıtin bagaj - jeke tulǵanyń Keden odaǵynyń kedendik aýmaǵyna kirýimen nemese onyń Keden odaǵynyń kedendik aýmaǵynan ketýimen baılanysty Keden odaǵynyń kedendik shekarasy arqyly is júzinde ótkizilýi úshin halyqaralyq tasymaldaý (kólik ekspedıtsııasy) sharty boıynsha tasymaldaýshyǵa berilgen nemese beriletin, jeke tulǵaǵa tıesili jeke paıdalanýǵa arnalǵan taýarlar;

· Alyp júretin bagaj - qoljúgin qosa alǵanda, Keden odaǵynyń kedendik shekarasynan ótetin jeke tulǵa tikeleı ótkizetin jeke paıdalanýǵa arnalǵan taýarlar;

Jeke paıdalanýǵa arnalǵan, tasymaldaýshy jetkizetin taýarlar - Keden odaǵynyń kedendik shekarasy arqyly ótpegen jeke tulǵanyń atyna ne jeke tulǵadan Keden odaǵynyń kedendik shekarasy arqyly is júzinde ótkizý úshin halyqaralyq tasymaldaý sharty boıynsha (júkqujat, konosament jáne ózge de qujattar boıynsha) tasymaldaýshyǵa berilgen nemese beriletin, jeke paıdalanýǵa arnalǵan taýarlar; Halyqaralyq pochta jóneltimderi - Keden odaǵynyń kedendik aýmaǵynyń sheginen tys jerge jóneltý úshin qabyldanǵan, Keden odaǵynyń kedendik aýmaǵyna kelip túsetin ne osy aýmaq arqyly tranzıtpen ótetin jáne Dúnıejúzilik pochta odaǵynyń aktilerinde kózdelgen ilespe qujattary bar pochta jóneltimderi.

Sonymen, Buıryq normalary jeke tulǵanyń mekenjaıyna tasymaldaýshy jetkizetin jeke paıdalanýǵa arnalǵan taýarlarǵa jáne Keden odaǵynyń kedendik shekarasyna halyqaralyq pochta jóneltimderimen jóneltiletin jeke paıdalanýǵa arnalǵan taýarlarǵa qatysty qoldanylmaıtynyn qaıtalap aıtamyz.

Kelisimniń 3-babyna sáıkes jeke tulǵalar kedendik shekara arqyly ótkizetin taýarlardy jeke paıdalanýǵa arnalǵan taýarlarǵa jatqyzýdy keden organy taýarlardyń sıpaty men sanyn a, jeke tulǵanyń kedendik shekara arqyly ótý jáne (nemese) onyń taýarlardy ótkizý jıiligin negizge alyp, táýekelderdi basqarý júıesin qoldana otyryp júzege asyratyndyǵyn eskerý qajet.