QR ІІM probatsııalyq eseptegi tulǵalarǵa áleýmettik-quqyqtyq kómek kórsetpeıtin boldy
Búgin ІІM-de «QR keıbir zańnamalyq aktilerine ishki ister organdarynyń qyzmetin jetildirý máseleleri boıynsha ózgerister men tolyqtyrýlar engizý týraly» zań jobasynyń negizgi erejelerin túsindirý jáne talqylaý boıynsha jarııa onlaın-tyńdaý ótti.
2020 jyldyń 1 qyrkúıeginde Memleket basshysy Qazaqstan halqyna Joldaýynda ІІM qurylymyn qaıta qarap, ony beıimdi emes fýnktsııalardan bosatýdy tapsyrǵan bolatyn. Osy tapsyrmany oryndaý úshin Іshki ister mınıstri Erlan Turǵymbaevtyń bastamasymen ishki ister organdarynyń qyzmetine fýnktsıonaldyq taldaý júrgizilip, birqatar usynys ázirlendi.
«Probatsııa qyzmetiniń esebinde turǵan adamdardyń áleýmettik-quqyqtyq kómek alýyna járdem kórsetý jergilikti atqarýshy organdarǵa beriletin bolady. Bul shara jergilikti atqarýshy organdarmen fýnktsııalardyń qaıtalanýyn boldyrmaıdy, óıtkeni qoldanystaǵy zańnamaǵa sáıkes ákimdikter de osy kómekti kórsetýde», - dedi QR ІІM orynbasary Alekseı Kalaıchıdı.
Qoǵamdyq tyńdaýǵa QR Parlamentiniń depýtattary, adam quqyqtary jónindegi ýákilder, múddeli memlekettik organdardyń ókilderi, advokattar men qoǵam ókilderinen quralǵan 150-ge jýyq adam qatysty.
Eske salaıyq, búgingi otyrys barysynda A.Kalaıchıdı, sondaı-aq sottalǵandarǵa medıtsınalyq qyzmet kórsetý QR ІІM-nen Densaýlyq saqtaý mınıstrligine beriletinin málim etti.
