QR ІІM balalardy kámpıtpen aldaıtyn er adamdar týraly aqparatqa túsinik berdi

ASTANA. QazAqparat – WhatsApp messendjerinde belgisiz bireýler ulyn urlamaq bolǵany týraly aıtqan áıeldiń aýdıohabarlamasy tarap jatyr. Osyǵan qatysty QR Іshki ister mınıstrligi túsinik berdi, dep habarlaıdy QazAqparat Stopfake.kz saıtyna silteme jasap.

Betperde taqqan er adam balaǵa kámpıt usynyp, ony ishinde birneshe kisi otyrǵan qara kólikke otyrýǵa shaqyrǵan-mys. Áıeldiń aıtýynsha, uly qaskúnemderden qashyp úlgergen, degenmen ol polıtsııaǵa baryp, oqıǵanyń mán-jaıyn habarlamaq.
QR ІІM málimetinshe, bul aqparat tekserildi jáne onyń shynaıylyǵy rastalǵan joq.
«Polıtsııaǵa mundaı aryzdar túsken joq. Sondaı-aq habarlamada áıel osylaı áreket etetin áldebir banda týraly aıtady. Alaıda tártip saqshylaryna pedofılder toby týraly da habarlanǵan joq. Aýlalardy aralap, balalardy urlaıtyn er adamdar toby týraly aqparat ta – eski feık», – dedi vedomstvonyń baspasóz qyzmetinen.