QR-da «Innovatsııalyq tehnologııalar parki» AEA-nyń aýmaǵynda qyzmetin júzege asyratyn zańdy tulǵalardyń tizbesin qalyptastyrý qaǵıdalary bekitildi
Qazaqstan Respýblıkasy Úkimetiniń qaýlysy №801
2012 jylǵy 18 maýsym, Astana, Úkimet Úıi
«Innovatsııalyq tehnologııalar parki» arnaıy ekonomıkalyq aımaǵynyń aýmaǵynda qyzmetin júzege asyratyn zańdy tulǵalardyń tizbesin qalyptastyrý qaǵıdalaryn bekitý týraly
«Salyq jáne bıýdjetke tólenetin basqa da mindetti tólemder týraly» (Salyq kodeksi) Qazaqstan Respýblıkasynyń 2008 jylǵy 10 jeltoqsandaǵy kodeksiniń 150-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan «Innovatsııalyq tehnologııalar parki» arnaıy ekonomıkalyq aımaǵynyń aýmaǵynda qyzmetin júzege asyratyn zańdy tulǵalardyń tizbesin qalyptastyrý qaǵıdalary bekitilsin.
2. Osy qaýly resmı jarııalanǵan kúninen bastap qoldanysqa engiziledi jáne 2015 jylǵy 1 qańtarǵa deıin qoldanylady.
Qazaqstan Respýblıkasynyń Premer-Mınıstri K.MÁSІMOV.
Qazaqstan Respýblıkasy Úkimetiniń 2012jylǵy 18 maýsymdaǵy
№ 801 qaýlysymen bekitilgen
«Innovatsııalyq tehnologııalar parki» arnaıy ekonomıkalyq aımaǵynyń aýmaǵynda qyzmetin júzege asyratyn zańdy tulǵalardyń tizbesin qalyptastyrý qaǵıdalary
1. Jalpy erejeler
1. Osy «Innovatsııalyq tehnologııalar parki» arnaıy ekonomıkalyq aımaǵynyń aýmaǵynda qyzmetin júzege asyratyn zańdy tulǵalardyń tizbesin qalyptastyrý qaǵıdalary «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasy kodeksiniń (Salyq kodeksi) (budan ári - Salyq kodeksi) 150-babynyń 2-tarmaǵyna sáıkes ázirlendi jáne «Innovatsııalyq tehnologııalar parki» arnaıy ekonomıkalyq aımaǵynyń aýmaǵynda qyzmetin júzege asyratyn zańdy tulǵalardyń tizbesin (budan ári - tizbe) qalyptastyrý tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) arnaıy ekonomıkalyq aımaqtyń qatysýshysy - «Qazaqstan Respýblıkasyndaǵy arnaıy ekonomıkalyq aımaqtar týraly» Qazaqstan Respýblıkasynyń 2011 jylǵy 21 shildedegi Zańyna sáıkes (budan ári - Zań) arnaıy ekonomıkalyq aımaqtyń qatysýshysy bolyp tanylǵan zańdy tulǵa;
2) ýákiletti organ - arnaıy ekonomıkalyq aımaqtardy qurý, olardyń jumys isteýi jáne taratylýy salasyndaǵy memlekettik retteýdi júzege asyratyn ortalyq atqarýshy organ.
3. Eger Zańda ózgeshe kózdelmese, Zańǵa sáıkes «Innovatsııalyq tehnologııalar parki» arnaıy ekonomıkalyq aımaǵynyń qatysýshylary úshin arnaıy ekonomıkalyq aımaqtyń aýmaǵynan tys qyzmetke ruqsat beriledi.
2. Tizbeni qalyptastyrý tártibi
4. Tizbege Zańnyń talaptaryna sáıkes bir mezgilde mynadaı talaptarǵa saı keletin:
1) ornalasqan jeri boıynsha salyq organynda salyq tóleýshiler retinde tirkelgen;
2) qurylymdyq bólimsheleri joq;
3) jyldyq jıyntyq kiristeriniń keminde 70 paıyzyn: baǵdarlamalyq qamtamasyz etýdi, derekqorlardy jáne aqparattyq tehnologııalardyń apparattyq quraldaryn jobalaý, ázirleý, engizý, tájirıbelik óndirý jáne jasaý, sondaı-aq data-ortalyqtar kórsetetin qyzmetter, onlaın qyzmetter;
aqparattyq tehnologııalar salasyndaǵy jobalardy jasaý jáne engizý jónindegi ǵylymı-zertteý jáne tájirıbelik-konstrýktorlyq jumystardy júrgizý qyzmet túrlerinen ózi óndirgen taýarlardy, jumystar men qyzmetterdi satýdan alýǵa jatatyn kiristeri quraıtyn «Innovatsııalyq tehnologııalar parki» arnaıy ekonomıkalyq aımaǵynyń qatysýshylary engiziledi.
5. Tizbe jyl saıyn arnaıy ekonomıkalyq aımaq qatysýshysynyń ataýy, onyń salyq tóleýshiniń tirkeý nómiri (nemese bıznes-sáıkestendirý nómiri), sondaı-aq salyq jáne bıýdjetke tólenetin basqa da mindetti tólemderdi esepteý bóliginde Salyq kodeksiniń 150 jáne 151-4-baptarynyń erejeleri qoldanylatyn kúntizbelik jyl kórsetiletin kúntizbelik jyl aıaqtalǵannan keıin qalyptastyrylady.
6. Tizbege engizý úshin arnaıy ekonomıkalyq aımaqtyń qatysýshysy ýákiletti organǵa salyq tóleýshiniń tirkeý nómirin (nemese bıznes-sáıkestendirý nómiri), sondaı-aq salyq jáne bıýdjetke tólenetin basqa da mindetti tólemderdi esepteý bóliginde Salyq kodeksiniń 150 jáne 151-4-baptarynyń erejeleri qoldanylatyn kúntizbelik jyl kórsetilgen erkin nysanda jazylǵan ótinishti jáne myna qujattardy:
1) ádilet organdary bergen qurylymdyq bólimsheleriniń joq ekendigi týraly;
2) alynǵan (alynýǵa jatatyn) tabystardy osy Qaǵıdalardyń 4-tarmaǵynyń 3) tarmaqshasynda kórsetilgen qyzmet túrlerinen túsetin tabystarǵa jatqyzý týraly oblystyń, respýblıkalyq mańyzy bar qalanyń, astananyń jergilikti atqarýshy organynyń rastamasyn qosa bere otyryp usynady.
7. Ýákiletti organ bıýdjetti atqarý jónindegi ortalyq ýákiletti organmen birlesip, ótinish túsken kúnnen bastap ony 20 jumys kúni ishinde qaraıdy jáne mynadaı:
1) arnaıy ekonomıkalyq aımaqtyń qatysýshysyn tizbege engizý týraly;
2) arnaıy ekonomıkalyq aımaqtyń qatysýshysyn tizbege engizýden bas tartý týraly sheshimderdiń birin shyǵarady.
8. Arnaıy ekonomıkalyq aımaqtyń qatysýshysy ózin tizbeden shyǵarý týraly derbes sheshim qabyldaǵan jaǵdaıda, ol bul týraly ýákiletti organǵa habarlaıdy.
9) Arnaıy ekonomıkalyq aımaq qatysýshysyn tizbege engizýden bas tartý úshin osy Qaǵıdalardyń 6-tarmaǵynda kórsetilgen qujattardy usynbaý negiz bolyp tabylady.
10. Tizbege engizý (shyǵarý) týraly sheshim ýákiletti organ men bıýdjetti atqarý jónindegi ortalyq ýákiletti organnyń birlesken buıryǵy nysanynda qabyldanady, ol osyndaı sheshim qabyldaǵan kúnnen bastap on jumys kúni ishinde ýákiletti organnyń ınternet-resýrsynda jarııalanýy tıis.
