QR BǴM JOO-ǵa túsýshiler úshin beıindi pánniń shekti balyn tómendetti
Qazaqstan Respýblıkasy Úkimetiniń 2017 jylǵy 3 shildedegi «Joǵary bilimniń bilim berý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 19 qańtardaǵy № 111 qaýlysyna ózgerister engizý týraly № 412 qaýlysy jarııalandy.
Qujatta kelesi ózgerister týraly jazylǵan:
«43-tarmaq mynadaı redaktsııada jazylsyn:
«43. Ulttyq joǵary oqý oryndaryna aqyly oqýǵa shyǵarmashylyq emtıhandardy talap etetin mamandyqtarǵa túsýshilerdi qospaǵanda, UBT nemese KT-den ótken, testileý nátıjeleri boıynsha - keminde 65 ball, al «Bilim berý», «Aýyl sharýashylyǵy ǵylymdary» jáne «Veterınarııa» mamandyqtarynyń toptary boıynsha - keminde 60 ball, basqa joǵary oqý oryndaryna - keminde 50 ball, al «Jalpy medıtsına» mamandyǵy boıynsha - keminde 65 ball, onyń ishinde Qazaqstan tarıhy, matematıkalyq saýattylyq, oqý saýattylyǵy - oqý tili boıynsha - keminde 5 ball jáne ár beıindik pánnen keminde 5 ball alǵan jalpy orta (orta jalpy) nemese tehnıkalyq jáne kásiptik (bastaýysh nemese orta kásiptik) orta bilimnen keıingi bilim berý baǵdarlamalaryn iske asyratyn bilim berý uıymdarynyń bitirýshileri qabyldanady»».
Joǵary oqý oryndaryna aqyly oqýǵa shyǵarmashylyq emtıhandardy talap etetin mamandyqtarǵa túsýshilerdi qospaǵanda, KT-den ótken, testileý nátıjeleri boıynsha - keminde 35 ball, onyń ishinde jalpy beıindik pán boıynsha - keminde 5 ball jáne beıindik pán boıynsha keminde 5 ball alǵan jedeldetilgen oqý merzimimen qysqartylǵan bilim baǵdarlamalary boıynsha uqsas mamandyqtarǵa túsetin tehnıkalyq jáne kásiptik, orta bilimnen keıingi bilim berý baǵdarlamalaryn iske asyratyn bilim berý uıymdarynyń bitirýshileri qabyldanady.
Ulttyq joǵary oqý oryndaryna aqyly oqýǵa shyǵarmashylyq emtıhandardy talap etetin mamandyqtarǵa túsýshiler UBT nemese KT-den ótken, testileý jáne shyǵarmashylyq emtıhan nátıjeleri boıynsha - keminde 65 ball, al «Bilim berý» mamandyqtary toby boıynsha - keminde 60 ball, basqa joǵary oqý oryndaryna - keminde 50 ball, onyń ishinde Qazaqstan tarıhy, oqý saýattylyǵy - oqý tili boıynsha - keminde 5 ball jáne ár shyǵarmashylyq emtıhannan keminde 5 ball alǵan jalpy orta (orta jalpy) bilim berý uıymdarynyń bitirýshileri nemese tehnıkalyq jáne kásiptik (bastaýysh nemese orta kásiptik) orta bilimnen keıingi bilim berý baǵdarlamalaryn iske asyratyn bilim berý uıymdarynyń (jedeldetilgen oqý merzimimen qysqartylǵan bilim baǵdarlamalary boıynsha uqsas mamandyqtarǵa túsýshiler úshin - keminde 35 ball, onyń ishinde shyǵarmashylyq emtıhan boıynsha - keminde 5 ball jáne beıindik pán boıynsha keminde 5 ball alǵan) bitirýshileri qabyldanady.
Osy Úlgilik qaǵıdalardyń 8-tarmaǵynda kózdelgen UBT nemese KT nátıjeleri boıynsha osy tarmaqta belgilengen shekti baldy jınaǵan adamdar joǵary oqý orny basshysynyń atyna aqyly negizde joǵary oqý ornyna qabyldaý týraly ótinish beredi.
