QR Aýyl sharýashylyǵy mınıstrligi ınvestıtsııa úshin mańyzdy salalardy anyqtady
Kezdesý iskerlik jáne ǵylymı orta ókilderiniń qatysýymen onlaın-formatta ótti. Beınekonferentsııada taraptar agrarlyq sala problemalaryn, onyń ishinde COVID-19 pandemııasynyń tamaq ónimderin óndirý men ótkizýge tıgizgen áserin talqylady. Sondaı-aq jobalyq qyzmet sheńberinde jaqyn aradaǵy bir jylǵa arnalǵan tyǵyz yntymaqtastyq baǵytyn belgiledi.
Saıası jáne qoǵamdyq pikirtalastarda COVID-19 taqyryby ózekti bolyp tabylady. Koronavırýs ınfektsııasynyń taralýy ekonomıkanyń barlyq salalaryna, sonyń ishinde aýyl sharýashylyǵyna da áser etti. Pandemııanyń belsendi áreketi kezinde kóptegen elder óz shekaralaryn jaýyp, avtokólikterdiń qozǵalysyn shektedi, bul azyq-túlik ónimderin ýaqtyly jetkizýge kedergi boldy. Kóptegen sharýashylyqtar áli kúnge deıin jumysshylardyń jetispeýshiligin bastan keshýde-osy jáne basqa da kóptegen problemalar azyq-túlik qaýipsizdiginiń mańyzdylyǵyn aıqyndady.
«Tıisti qorytyndy jasap, pandemııa jalǵasqan jaǵdaıda qaýip-qaterge daıyn bolý kerek. Bul baǵytty Germanııa Eýroodaq Keńesine tóraǵalyq etken kezden bastap strategııalyq baǵyt retinde belgiledi»,-dep atap ótti óz baıandamasynda Parlamenttik stats-hatshy Ýve Feıler.
«Sharýalar úshin alǵa qoıǵan maqsattar oryndalýy kerek. Olardy qoldaý kerek. Bul baǵyttaǵy ilgerileý kópjyldyq qarjylandyrý baǵdarlamasy boıynsha ári qaraıǵy kelissózderge, birlesken agroónerkásip saıasaty jáne fermerlik sharýashylyq strategııasyna baılanysty. EAEO-da janýarlardyń ál-aýqatyna jáne keńeıtilgen qorektik qundylyqtarǵa qatysty biryńǵaı sapa belgisin qurý qajet», dedi ol.
Bul baǵyttar Germanııa men Qazaqstan yntymaqtastyǵynyń ekijaqty baǵdarlamasy sheńberindegi jobalyq jumystarda kórinis tabady. Nemis tarapy óz agrarlyq azyq-túlik sektoryn damytýda qoldaý kórsetý úshin sheteldik áriptestermen tájirıbe almasýǵa daıyn ekenin bildirdi.
Óz kezeginde, QR Aýyl sharýashylyǵy birinshi vıtse-mınıstri Aıdarbek Saparov qazirgi jaǵdaıda Qazaqstannyń aýyl sharýashylyǵy salasyn damytý vektorlary aýyl sharýashylyǵy ónimderin qaıta óńdeýdi tereńdetýge, azyq-túlik ónimderin óndirýdi ulǵaıtý esebinen eldiń azyq-túlik qaýipsizdigin qamtamasyz etýge jáne ımportty almastyrýǵa baǵyttalatynyn aıtty.
A.Saparovtyń sózinshe, aýyl sharýashylyǵyndaǵy eńbek ónimdiligin arttyrý úshin salany tehnıkalyq jáne tehnologııalyq turǵydan qaıta jaraqtandyrýǵa basa nazar aýdarylatyn bolady. Ósimdik sharýashylyǵynda birinshi kezekte sapaly tuqym, tyńaıtqyshtardy qoldaný, zamanaýı tehnıkalar, mal sharýashylyǵynda asyl tuqymdy mal úlesi ulǵaıtylady.
«Búgingi kúni vedomstvo aldynda óndiristi barynsha damytý mindeti tur, sol arqyly basym baǵyttardaǵy ınvestıtsııalyq jobalardy iske asyrý arqyly ımportqa táýeldilikti azaıtýǵa bolady», - dedi ol.
«Aýyl sharýashylyǵy mınıstrligi ımportty almastyrýmen jáne eksportty damytýǵa tikeleı baılanysty salalarǵa ınvestıtsııa salýdyń eń perspektıvaly baǵyttaryn bóldi: et, sıyr, qoı jáne shoshqa etin qosa alǵanda, et óndirý, qaıta óńdeý, sút, jemis-jıdek pen kókónisterdi óndirý jáne óńdeý, onyń ishinde jylyjaı kókónisteri; maıly daqyldar men dándi daqyldardy qaıta óńdeý, sonymen qatar jyl saıyn elde jáne álemde tanymal bola túsetin organıkalyq ónimder óndirisi», - dep tolyqtyrdy birinshi vıtse-mınıstr.
Sonymen qatar, taraptar Germanııa-Qazaqstan agrarlyq-saıası dıalogynyń ekijaqty yntymaqtastyq jobasyn júzege asyrýdy talqylady.
GKAPD- 2009 jyly Qazaqstan Respýblıkasynyń Aýyl sharýashylyǵy mınıstrligi men Germanııa Federatıvtik Respýblıkasynyń Azyq-túlik jáne aýyl sharýashylyǵy federaldy mınıstrligi arasynda qurylǵan ekijaqty yntymaqtastyq jobasy.
Agrarlyq-saıası dıalog ókilderi beınekonferentsııaǵa qatysýshylardy aldaǵy jyldyń josparlarymen tanystyrdy. Jumys eki baǵytta - organıkalyq aýyl sharýashylyǵyn damytý jáne agroónerkásiptik keshendi qarjylandyrý arqyly júzege asyrylady.
«Organıkalyq aýyl sharýashylyǵy salasynda - biz osy baǵytta jumys isteı bastadyq. Birinshiden, biz naryqty taldap, Eýropaǵa organıkalyq ónimderdi eksporttaý múmkindikterin zerttegimiz keledi. Bul qazaqstandyq aýylsharýashylyq taýaryn óndirýshilerge jańa eksporttyq naryqtarǵa shyǵý perspektıvalaryn kórýge kepildik berýi kerek», - dedi jobalyq toptyń jetekshisi Aleksandr Barnevıts.
Agroónerkásiptik keshendi qarjylandyrý baǵytynda jobalyq top «QazAgro» qorjynynan ınvestıtsııalaý múmkindigi bar qazaqstandyq kompanııalardy tańdaýdy josparlap otyr.
«Biz Germanııadan seriktester taýyp, jańa naryqtar asha alamyz», - dedi A. Barnevıts.
Kezdesý sońynda aýyl sharýashylyǵy birinshi vıtse-mınıstri Aıdarbek Saparov senimdi, naqty nátıjelerge baǵyttalǵan jumysty jalǵastyrýǵa jáne Qazaqstan Respýblıkasynda áleýetti jergilikti áriptesterdi izdeýge járdem kórsetýge daıyn ekendigin bildirdi.
Esterińizge sala keteıik, aǵymdaǵy jyldyń qańtar aıynda Qazaqstan Respýblıkasynyń Aýyl sharýashylyǵy birinshi vıtse-mınıstri Aıdarbek Saparov bastaǵan qazaqstandyq delegatsııa Berlınde ótken «Jasyl apta 2020» (International Green Week 2020) halyqaralyq azyq-túlik kórmesiniń saltanatty ashylýyna qatysty.
Ótken beınekonferentsııa iskerlik kezdesýdiń jalǵasy bolyp tabylady.