QPL: «Ulytaý» men «Elimaı» upaı bólisti

ASTANA. KAZINFORM – Fýtboldan Premer-lıga komandalary arasyndaǵy el birinshiliginiń 16-týryndaǵy alǵashqy oıynnyń nátıjesi belgili boldy.

Bul týrda jezqazǵǵandyq «Ulytaý» óz alańynda Semeıdiń «Elimaıyn» qabyldady.

Bıyl birinshilikte ala-qula oıynymen kórinip júrgen jezqazǵandyq komanda bul joly jeńiske jetýge kúsh saldy. Kezdesý barysynda olar «Elimaıǵa» qarsy jıi shabýyl uıymdastyrdy. Nátıjesinde alǵashqy bolyp esep ashty. Jaqynda komanda quramyna qosylǵan japonııalyq fýtbolshy Kısh Kotaro 40-mınýtta Qazaqstan chempıonatyndaǵy alǵashqy golyn soqty. 

Dese de «Ulytaý» kezdesý sońyna deıin sol basymdyǵyn saqtap tura alǵan joq. Oıynnyń 86-mınýtynda «Elimaı» sapynan Ivan Svırıdov penaltıden múlt ketken joq. Osylaısha komandalar 1:1 esebine qanaǵat bildirdi.

Endi atalǵan týrda búgin 20:00-de «Turan» (Túrkistan) men «Qyzyljar» (Petropavl) jasyl alańǵa shyǵady.

Al 13 shildede 18:00-de «Jeńis» (Astana) pen «Jetisý» (Taldyqorǵan), «Tobyl» (Qostanaı) men «Oqjetpes» (Kókshetaý), 20:00-de «Ordabasy» (Shymkent) men «Astana» oınaıdy.

Buǵan deıin el birinshiliginiń HV týr oıyndary ótetinin jazǵan edik.