QPL: «Turan» men «Elimaı» arasyndaǵy oıynda 9 gol soǵyldy

ASTANA. KAZINFORM - Túrkistandyq «Turan» komandasy fýtboldan qazaqstan Premer-lıgasy HHV týrynda óz alańynda Semeıdiń «Elimaı» klýbyna ese jiberdi.

Týrnır kestesinde sońǵy orynda turǵan túrkistandyq komanda sońǵy eki týrda jeńiske jetken jaǵdaıda úzdikter qataryndaǵy ornyn saqtap qalatyn edi. Esesine «Elimaı» úshin bıyl tórtinshi orynǵa turaqtaýǵa múmkindik týyp turǵan bolatyn.

Semeılik klýb alǵashqy mınýttan oıyndy belsendi bastady. Olardyń qatarynan Ramazan Orazov 6-mınýtta esep ashsa, odan keıin Rolon Kevın 9-mınýtta esepti ústemeleı tústi. Al 15-mınýtta «Turan» sapynan 15-mınýtta Baqdáýlet Zýlfıkarov mergendik tanytsa, semeleılik klýbtan Ivan Svırıdov 26-mınýtta gol soǵyp ketti. Sondaı-aq 43-mınýtta túrkistandyq klýbtan ıÝrıı Pertsýh gol soqsa, semeılik klýbtan Plakka Fessý 49, Roman Murtazaev 72-mınýtta kózdegen nysanadan múlt ketken joq.

Osylaısha «Turan» qarsylasyna 3:6 esebimen ese jiberdi. Olar Premer-lıgadaǵy ornyn saqtap qala ala ma? Bul saýaldyń jaýaby sońǵy týrda sheshiledi.

Atalǵan týrda almatylyq «Qaırat» syrt alańda petropavldyq «Qyzyljardy» 1:0 esebimen jeńdi. 

Aıta ketsek, búgin «Ulytaý» (Jezqazǵan) men «Qaısar» (Qyzylorda), «Atyraý» men «Jeńis» (Astana) 1:1 esebimen teń túsken edi.

Al 19 qazanda «Jetisý» (Taldyqorǵan) men «Tobyl» (Qostanaı), «Astana» men «Aqtóbe», «Ordabasy» (Shymkent) pen «Oqjetpes» (Kókshetaý) oınaıdy.