QPL: «Qaırat» sáttilik serııasyn jalǵastyra ala ma

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HІH týry bastalady.

Búgin, 2 tamyzda saǵat 17:00–de «Oqjetpes» (Kókshetaý) pen «Elimaı» (Semeı) oınaıdy. 
Al 18:00–de «Qaırat» (Almaty) pen «Ulytaý» (Jezqazǵan), «Qyzyljar» (Petropavl) men «Tobyl» (Qostanaı sheberlik baıqasady.

Aıta ketsek, jeti týrdan beri jeńilistiń aşy dámin tatqan joq. Bes kezdesýde jeńiske jetse, ekeýinde teń tústi. Búgin sol sáttilik serııasyn jalǵastyra ala ma?

Sondaı-aq 3 tamyzda 20:00–de «Ordabasy» (Shymkent) men «Atyraý», «Jetisý» (Taldyqorǵan) men «Turan» (Túrkistan), «Aqtóbe» men «Jeńis» (Astana) oınaıdy.

Atalǵan týrdaǵy «Astana» men «Qaısar» (Qyzylorda) kezdesýi belgisiz merzimge keıinge shegerildi. Bul sheshim elordalyq klýbtyń eýrokýbok oıyndaryna qatysýyna baılanysty qabyldanyp otyr. 

Aıta ketsek, qazir kósh basynda 40 upaımen «Astana» men «Qaırat» komandalary keledi. Odan keıingi oryndaǵy «Tobyldyń» 35 upaıy bar. 

Surmergender kóshinde Nazmı Grıpshı («Astana») 9 golmen kósh bastap tursa, odan keıingi oryndardaǵy Dastan Sátpaev («Qaırat»), Marın Tomasov («Astana») pen Dáýren Jumat («Oqjetpes») 8 gol soǵyp úlgerdi. 

Eske salsaq, budan buryn fýtboldan Birinshi lıgada «Ertis» «Shahterden» basym tústi.