QPL: «Qaırat» pen «Jetisý» teń tarqasty

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń HІІ týrynda almatylyq «Qaırat» syrt alańda taldyqorǵandyq «Jetisýmen» teń oınady.

Almatylyq klýb bıyl bas júldege qol sozýdy aldyna maqsat etip otyr. Degenmen olar sońǵy tórt týrda bir márte ǵana jeńiske jetti. Ekeýinde qarsylasyna ese jiberse, bireýinde teń nátıjege qanaǵat bildirdi.

Búgingi oıynda taldyqorǵandyq klýb alǵashqy bolyp esep ashty. Olardyń qatarynan Maksım Kovel 19-mınýtta esep ashsa, 36-mınýtta «Qaırat» sapynan Jorjıno tarazy basyn teńestirdi. 

Al Rınat Serikqul «Jetisýdy» qaıtadan alǵa shyǵarsa, 51-mınýtta almatylyq klýbtan Egor Sorokın qorytyndy esepti belgiledi. Osylaısha qos komanda 2:2 esebimen qanaǵat bildirdi.

Sondaı-aq búgin «Atyraý» óz alańynda jezqazǵandyq «Ulytaýǵa» 0:1 esebimen ese jiberse, «Qyzyljar» (Petropavl) men «Aqtóbe» 0:0 esebimen teń tústi.

Dál qazir «Turan» (Túrkistan) men «Jeńis» (Astana) oınap jatyr.

Atalǵan týrda erteń, 15 maýsymda 18:00-de «Astana» men «Oqjetpes» (Kókshetaý), 20:00-de «Ordabasy» (Shymkent) men «Elimaı» (Semeı), «Qaısar» (Qyzylorda) men «Tobyl» (Qostanaı) oınaıdy.

Buǵan deıin Qazaqstan Premer-lıgasynyń HІІ týr oıyndary bastalatynyn habarlaǵan edik.