QPL: «Qaırat» óz alańynda «Jetisýdy» iri eseppen jeńdi

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń keıinge qaldyrylǵan HHІV-týrynyń sońǵy oıyny ótti.

Bul týrdy «Qaırat» (Almaty) pen «Jetisý» (Taldyqorǵan) komandalary túıindedi.
Kezdesý barysynda almatylyq klýb belsendi oıyn kósretti. Alǵashqy kezeńde qarsylas qaqpasyna tórt gol soǵyp úlgerdi.

Aldymen 9-mınýtta almatylyq klýbtan Dastan Sátpaev penaltıden múlt ketken joq. Odan keıin Jorjıno 19, 35, Edmılson 43-mınýtta basymdyqty arttyrdy. 
Kezdesý núktesin 90-mınýtta Azamat Tuıaqbaev qoıyp, «Qaırat» qarsylasynan 5:0 esebimen basym tústi.

Bul týrdaǵy ózge oıyndarda 27 qyrkúıekte Jezqazǵannyń «Ulytaýy» óz alańynda «Atyraýǵa» 1:5 esebimen ese jiberse, astanalyq «Jeńis» Túrkistannyń «Turanyn» 6:3, «Aqtóbe» petropavldyq «Qyzyljardy» 1:0 esebimen jeńdi.

Al 28 qyrkúıekte Qostanaıdyń «Tobyly» qyzylordalyq «Qaısardy» 1:0, elordalyq «Astana» «Oqjetpesti» 2:1 esebimen jeńip. semeılik «Elimaı» Shymkenttiń «Ordabasy» komandasyn 2:1 esebimen súrindirdi.

Endi aldaǵy týr oıyndary 17, 18, 19 qazan kúnderi ótkiziledi.