QPL: «Qaırat» óz alańynda «Elimaımen» kezdesedi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń HHІ týry bastalady. 

Atalǵan týrdaǵy oıyndar eki kúnge belgilengen. Búgin, 16 tamyzda úsh kezdesý ótse, qalǵan tórteýi 17 tamyzǵa belgilengen.

16 tamyzda saǵat 18:00-de «Qaırat» (Almaty) pen «Elimaı» (Semeı), «Qyzyljar» (Petropavl) men «Jeńis» (Astana) sheberlik baıqasady. Al 20:00-de «Turan» (Túrkistan) men «Qaısar» (Qyzylorda) jasyl alańǵa shyǵady.

Sondaı-aq 17 tamyzda 20:00-de «Ordabasy» (Shymkent) men «Tobyl» (Qostanaı), «Jetisý» (Taldyqorǵan) men «Atyraý», «Aqtóbe» men «Oqjetpes» (Kókshetaý), «Astana» men «Ulytaý» (Jezqazǵan) oınaıdy.

Aıta ketsek, 43 upaımen «Qaırat» komandacy týrnırlik kestede birinshi orynǵa jaıǵasqan. Odan keıingi oryndardaǵy «Astananyń» 40, «Tobyldyń» 38 upaıy bar.

Surmergender kóshinde Dáýren Jumat («Oqjetpes») 10 golmen jeke-dara kósh bastap tur. Nazmı Grıpshı («Astana») 9 golmen ekinshi orynda, odan keıingi oryndardaǵy Dastan Sátpaev («Qaırat») pen Marın Tomasov («Astana») 8 gol soǵyp úlgergen. 

Eske salsaq, budan buryn fýtboldan Birinshi lıgada «Shahter» «Aqtóbe-2» komandasymen teń tústi.