«Qoja Ahmet ıAssaýı» meshitine 2 myń dana Quran kitaby syıǵa berildi
Quran álippesin úırenetin shákirtter úshin bul taptyrmaıtyn dúnıe. Qazaqsha tárjimasymen baspadan shyqqan qasıetti kitap aýdan, qala, aýyl meshitterine, medrese-kolledjderge, DSAK bólimderine, kitaphanalarǵa taratyldy.
Bul syı QMDB-nyń 30 jyldyǵyna arnaldy. Oblys ımamy Musabek Aqtamberdi Kýveıt memleketiniń tótenshe jáne ókiletti elshisi Tarek Abdýlla ál-Faraj myrza men Azııa musylmandary Komıtetiniń ókilderine rızashylyǵyn bildirdi.
Aıta keteıik, Kýveıt elshiligi men Azııa musylmandary Komıteti tarapynan jylyna birneshe ret qaıyrymdylyq ótkiziledi. Sondaı-aq, ilkimdi jobalar júzege asyrylyp keledi.
«Quran arab tilinde jazylǵandyqtan tóte jazýdy ustanatyn elderdiń musylmandary namazda turǵanda egilip jylaıdy. Qurannyń maǵynasyn túsinetin adamnyń Allanyń eskertýlerin oqyǵanda kózine jas almaýy múmkin emes. Elimizde din atyn jamylǵan aǵymdarǵa ergender Qurannyń maǵynasyn bilmegendikten adasyp júr. Qurannyń tilin bilgenimen, maǵynasyn túsinbeı qıyndyqqa dýshar bolǵan»,-dedi QMDB Túrkistan oblysy boıynsha zeket ókili Erkin Polatov.
Qurannyń aýdarmasyn kóp oqyǵan adamdar súrelerdi ońaı jattaıtynyn aıtady, ustazdar. Ári sózdik qor jınaýǵa da jol ashady. «Qazaqstandaǵy Azııa musylmandary komıtetiniń» demeýshiligimen «QR Aqparat jáne qoǵamdyq damý mınıstrligi Qoǵamdyq kelisim komıtetiniń dintaný saraptamasynyń oń qorytyndysy berilgen» jáne «QMDB-nyń Sharıǵat jáne pátýa bóliminiń saraptamasynyń oń qorytyndysy berilgen» - 2000 dana «QURAN KÁRІM qazaqsha túsindirmeli aýdarma» kitaby mınıstrlik pen Múftııattyń maquldaýynan ótken.
