Kot-d’Ivýarda ótken prezıdenttik saılaýda Alassan Ýattara jeńiske jetti

ASTANA. KAZINFORM — Kot-d’Ivýarda ótken prezıdenttik saılaýda Alassan Ýattara aldyn ala nátıjeler boıynsha 89,77% daýys jınap, jeńiske jetti, dep habarlaıdy Sınhýa.

Dúısenbi kúni eldiń saılaý komıssııasy jarııalaǵan aldyn ala qorytyndysyna sáıkes, «Demokratııa jáne beıbitshilik úshin gýfýetterdiń mıtıngi» partııasynyń kandıdaty jáne Kot-d’Ivýardyń qazirgi prezıdenti Alassan Ýattara prezıdent saılaýynda 89,77 paıyz daýys jınap, jeńiske jetti.

Konstıtýtsııalyq Keńes saılaýdyń túpkilikti nátıjeleri bekitilgennen keıin jaqyn arada resmı túrde jarııalaıdy.

Kot-d’Ivýar zańy boıynsha prezıdent tikeleı halyqtyń daýys berýi arqyly 5 jyldyq merzimge saılanady.

83 jastaǵy A.Ýattara buǵan deıin Batys Afrıka memleketteriniń Ortalyq bankiniń tóraǵasy jáne Halyqaralyq valıýta qorynyń basqarýshy dırektorynyń orynbasary qyzmetin atqarǵan.

Eske sala keteıik, jýyrda Bolıvııadaǵy prezıdent saılaýynda Rodrıgo Pas jeńiske jetti.

Al Argentına prezıdenti Haver Maılı aralyq saılaýda aıqyn jeńiske jetip, óziniń qatań reformalyq kún tártibine úlken qoldaý tapty.