Qostanaıda taǵy da qoqys polıgony órtendi

QOSTANAI. KAZINFORM – Polıgon ıesi buǵan deıin bolǵan órt oqıǵasy úshin jaýapqa tartyldy, dep habarlaıdy Kazinform agenttiginiń tilshisi. 

Qostanaı ákimdigi ekinshi ret qatty turmystyq qaldyqtar polıgonynda 7 maýsymda órt shyqqanyn rastady. Qoqys 200 sharshy metr aýmaqty sharpyǵan. Órt tez arada aýyzdyqtaldy, zardap shekkender joq. 

– Mundaı oqıǵa keıingi ýaqytta osymen ekinshi ret bolyp otyr. 22 sáýirde sol polıgonda 6 gektar aýmaqta qoqys órtendi. Odan keıin mıneraldanǵan jolaq bolmaǵandyqtan órt kórshi dalaǵa ótip, taǵy 300 sharshy metr aýmaqty sharpyǵan. Qaıtalanǵan órt oqıǵasyna baılanysty Tótenshe jaǵdaılar departamenti men Ekologııa departamenti «Tazalyq-2012» jaýapkershiligi shekteýli seriktestigin QR ÁQBtK-niń 410-babynyń 1-bóligi jáne 327-1-babynyń 1-bóligi boıynsha ákimshilik jaýapkershilikke tartty, - dep habarlady Qostanaı ákimdiginiń baspasóz qyzmeti. 

Qazir polıgonda táýlik boıy kezekshilik uıymdastyrylǵan. Tótenshe jaǵdaılar departamentinen 2 tehnıka men 8 adam jumyldyryldy. Sondaı-aq Tazalyq-2012» JShS-niń 4 qyzmetkeri men 4 tehnıka jáne 52859 áskerı bóliminen 4 áskerı qyzmetker kómekke keldi. 

Eske sala keteıik, buǵan deıin Qostanaı oblysynda 50-ge jýyq ruqsat etilmegen qoqys úıindisi anyqtaldy.