Qostanaıda qonaqúı otqa orandy

Bir kún buryn Qostanaıdaǵy oblys ortalyǵynyń irgesindegi Drýjby aýylynda órt boldy. Eki qabatty «Jibek joly» qonaqúıiniń ǵımaraty otqa orandy, dep habarlaıdy Kazinform. 

Aqparatty jergilikti tótenshe jaǵdaılar departamenti rastady. Órt ǵımarattyń shatyryn, ekinshi qabatyn jáne birinshi qabatynyń bir bóligin sharpyǵan. 

Aldyn ala órt aýmaǵy 900 sharshy metr aýmaqtyń 450 sharshy metrin. Aıta keteıik, órt kezinde ǵımarat paıdalanylmaǵan. 

— Órt saǵat 13:18-de sóndirildi. Oqıǵa ornyna qutqarý qyzmetteri shyqty: TJD qyzmetkerleri men 13 birlik tehnıka, Polıtsııa departamentiniń qyzmetkerleri jáne 4 birlik tehnıka, sonymen qatar jergilikti atqarýshy organdardyń qyzmetkerleri men 1 birlik tehnıka. Ókinishke qaraı, órtti sóndirý kezinde áıeldiń denesi tabyldy. Oqıǵanyń mán-jaıy anyqtalýda, órttiń shyǵý sebepteri jan-jaqty tekseriledi», - dep habarlady vedomstvonyń baspasóz qyzmeti.