Qostanaıda qaıtadan ystyq sý berile bastady
QOSTANAI. KAZINFORM – Qostanaıda 13 tamyzdan bastap ystyq sý berý jumystary bastaldy. Bul týraly «KTEK» memlekettik kommýnaldyq kásiporny habarlady.
Alǵashqylardyń qatarynda blokty-modýldi qazandyqtardan qýat alatyn jańa shaǵyn aýdandar – Qunaı, Áýejaı, Bereke, Soltústik-Batys jáne Jeńis shaǵyn aýdandary qosyldy. Jalpy sany – 167 kópqabatty turǵyn úı.
Qalanyń ortalyq bóligine qarasty TETs-ke qosylǵan 1031 kópqabatty úı 18 tamyzdan bastap ystyq sýmen qamtylady.
Sonymen qatar, 78 úıde apatty ýchaskelerdi jóndeý jumystary jalǵasýda. Bul úılerge ystyq sýdyń berilý merzimi shamamen 23 tamyzǵa deıin uzartyldy. Tıisti mekenjaılardyń tizimi resmı derekkózderde jarııalandy.
Buǵan deıin Qostanaıda jylý jelilerine qysym jasaý (opressovka) jumystary júrgizilgeni habarlanǵan bolatyn.