Qostanaıda ystyq sý qashan beriledi
QOSTANAI. KAZINFORM — Oblys ortalyǵynda jylý jelileri bes jerden tesilip, saldarynan ystyq sýmen qamtýdy ýaqytsha toqtatýǵa týra keldi.
Qostanaıda magıstraldyq jáne kvartalishilik jylý jelileri joǵary qysymmen gıdravlıkalyq synaqtardan ótkizildi. Nátıjesinde jeliniń bes jelden jarylǵany anyqtaldy. Borodın jáne Doşanov kóshelerinde aqaýlar búginde joıyldy.
Qazirgi ýaqytta Táýelsizdik jáne Baımaǵambetov kósheleriniń qıylysynda, Táýelsizdik jáne Borodın kósheleriniń qıylysynda jáne Máýlenov kóshesinde jóndeý jumysy júrgizilip jatyr.
«KTEK» MKK málimeti boıynsha, mamandar aqaýlardy qysqa merzimde joıý úshin barlyq sharany qolǵa alǵan.
Sonymen qatar kompanııada atap ótkendeı, «QAZAQGAZ AIMAK» AQ tarapynan jylý kózderine gaz berýdi toqtatýǵa baılanysty Qostanaıda ystyq sý tamyzdyń 15-inen keıin ǵana berile bastamaq.
Buǵan deıin Qostanaıda jer qatynastary boıynsha kórsetilgen 50 memqyzmetten kemshilikter anyqtalǵanyn jazǵan edik.