Qostanaıda eki jigit vaktsına pasportyn jasaımyn dep aldap, eldiń aqshasyn alyp otyrǵan
Jedel-izdestirý sharalary barysynda krımınaldyq polıtsııa basqarmasynyń qyzmetkerleri Qostanaı qalasynyń 27 jastaǵy eki turǵynyn anyqtady.
Olar óz paıdasy úshin COVID-19 vaktsınatsııa pasportyn satýmen aınalysqan.
Ózderiniń aıtýynsha, shilde aıynda Telegram áleýmettik jelisinde arnaıy akkaýnt ashqan.
Sodan keıin klıentterdi izdeý úshin olar barlyq áleýmettik toptarǵa vaktsınatsııa pasportyn isteı alatyny týraly jarnama tarata bastaǵan.
«Tilek bildirýshiler» aldyn ala tólemdi bóten adamǵa rásimdelgen ekinshi deńgeıdegi bank kartalaryna aýdarǵan.
Aqshalaı qarajat – 300 myń teńgeden astam aqsha erlerdiń jeke qajetine jumsaldy.
Biraq olardyń aıtýynsha, qujattardy eshkim almaǵan, olar klıentterdi buǵattap otyrǵan.
Sonymen qatar qazirgi ýaqytta jedel ýákilder vaktsınatsııa pasportyn zańsyz jolmen alǵysy kelgen adamdardy anyqtaý boıynsha tergeý áreketterin júrgizýde.
Atalǵan fakti boıynsha Qylmystyq kodekstiń 190-babynyń 2-bóligimen tirkelgen sotqa deıingi tergeý amaldary júrgizilýde.
Polıtsııa qyzmetkerleri azamattarǵa zańǵa qaıshy keletin áreketter úshin zańmen qylmystyq jaýapkershilik qarastyrylǵanyn eske salady.
