Qostanaıda bopsalaýmen aınalysqan qylmystyq top ustaldy

QOSTANAI. KAZINFORM — Qostanaı oblysy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri bopsalaýǵa qatysy bar degen kúdikpen bir top adamdy ustady. Bul týraly Polisia.kz jazdy.

Tergeý málimetteri boıynsha kúdiktiler aldyn ala kelisim boıynsha áreket etken. 

— Olar qorqytý arqyly jábirlenýshiden aqsha talap etken. Qylmys uıymdasqan sıpatqa ıe bolǵandyqtan, bul fakt boıynsha sotqa deıingi tergep-tekserý amaldary bastaldy. Qylmystyq is Qazaqstan Respýblıkasy Qylmystyq kodeksiniń (Aldyn ala sóz baılasý arqyly adamdar toby jasaǵan bopsalaý) baby boıynsha tirkeldi. Qazirgi ýaqytta oqıǵanyń barlyq mán-jaıyn jáne basqa da epızodtardy anyqtaýǵa baǵyttalǵan qajetti tergeý áreketteri júrgizilip jatyr, — delingen habarlmada. 

Quqyq qorǵaý organdary azamattardy qylmystyq áreketterge beıjaı qaramaýǵa jáne mundaı faktiler týraly dereý habarlaýǵa shaqyrady.

Eske sala keteıik, alty adamdy aldap, iri zalal keltirgen qazaqstandyq kúdikti Dýbaıda ustalǵanyn jazǵan edik.