18:20, 09 Qańtar 2023 | GMT +6
Qostanaıda áýejaıǵa, aýrýhanalar men kitaphanalarǵa «bomba qoıyldy»
QOSTANAI. QazAqparat – Búgin Qostanaı oblysynda birneshe ǵımaratqa jarylǵysh zat qoıylǵany týraly habarlama tústi. Tekserý barysynda olardyń barlyǵy rastalmady, dep habarlaıdy QazAqparat Rolisia.kz-ke silteme jasap.
«Búgin, 9 qańtarda qala polıtsııasyna áýejaı, aýrýhanalar, kitaphanalar men basqa da nysandar ǵımarattaryna jarylǵysh zattar qoıylǵany týraly jalǵan qońyraýlar kelip tústi.
Polıtseıler qońyraýlardy muqııat tekserdi, olardyń barlyǵy jalǵan bolyp shyqty.
Qazirgi ýaqytta polıtsııa osy qylmysqa qatysy bar kúdiktiniń jeke basyn anyqtap jatyr. QR Qylmystyq kodeksiniń 273-baby»Terrorızm aktisi týraly kórineý jalǵan habar«boıynsha sotqa deıingi tergeý bastaldy», - delingen polıtsııa málimetinde.
