Qostanaıda astyq óńdeıtin zamanaýı keshen salynady
Oblys ákimi Arhımed Muhambetov halyqqa esep berý kezdesýinde óńirdiń ınvestıtsııalyq ahýaly týraly habardar etti. Ol byltyr Qostanaıǵa ınvestorlardy tartý maqsatynda atqarylǵan isterge toqtaldy.
«Áleýetti ınvestorlardyń paıdaly aqparatqa ońaı qol jetkizýin qamtamasyz etý maqsatynda oblystyń ınterakıvti ınvestıtsııalyq kartasy jumys isteıdi. Oǵan ınvestıtsııalar tartýdy talap etetin ınvestjobalar, qoljetimdi ınfraqurylym jáne paıdaly qazbalar týraly málimetter engizilgen. Biz bıyl oblysymyzǵa ınvestorlar kóptep keledi dep úmittenemiz. Sl úshin de ımıdjdik is-sharalar jalǵasatyn bolady», - deıdi Arhımed Muhambetov .
Ákimniń sózinshe, byltyr Qostanaı qalasynda «Kostanay Invest 2018» ekinshi óńirlik ınvestıtsııalyq forýmy ótkizilip, oǵan myńnan astam adam qatysty. Nátıjesinde, jalpy somasy 251 mlrd teńge bolatyn 19 ózara yntymaqtastyq pen áriptestik qujatyna qol qoıyldy.
«Indýstrııalyq aımaq Qostanaıdyń ekonomıkalyq «kózirleriniń» birine aınaldy. Ol áli salynyp bitken joq. Qazirgi ýaqytta onyń aýmaǵynda 300 mlrd teńgeniń 11 jobasyn iske asyrý pysyqtalyp jatyr. Bul arqyly 2 myńnan astam jumys orny paıda bolýy múmkin. Olardyń ishindegi anaǵurlym iri jobalardyń biri - «Bio Grain» JShS aýyl sharýashylyǵy daqyldaryn qaıta óńdeıtin zamanaýı keshen. Onyń qurylys-montaj jumystary osy jyldyń 2-toqsanynda bastalady. Joba elbasynyń shıkizat eksportynan ózimiz daıyndaıtyn ónimder eksportyna kóshý tapsyrmasyn oryndaý sheńbesinde iske asady. Alǵashqy kezeńiniń somasy - 300 mln teńge», - dedi Arhımed Muhambetov.
Munyń syrtynda, byltyr ındýstrııalyq aımaqta ámbebap-qurastyrý keshenderi qurylysy aıaqtaldy. Onda «Belarýs» markaly traktorlar óndiretin zaýyt («Kompozıt Grýp» holdıngi) jáne qurylys materıaldary men metall qurylymy tsehy («ZEO «Astyq» JShS) ornalastyrylady.
