Qostanaıda 450 otbasy qonys toıyn toılady

QOSTANAI. QazAqparat - Tuńǵysh Prezıdent kúninde Arhımed Muhambetov qostanaılyqtarǵa jańa páterdiń kiltin tapsyrdy, dep habarlaıdy QazAqparat tilshisi.

Búgin «Nurly jer» memlekettik baǵdarlamasymen salynǵan 450 páter turǵyndarǵa tapsyryldy. Olardyń deni - «Turǵyn úı qurylys jınaq banki» AQ salymshylary.

«ıÝbıleınyı» jáne «Áýejaı» shaǵyn aýdany turǵyndarynyń qýanyshyn bólisý úshin oblys ákimi Arhımed Muhambetov keldi. Ol 250 páterdiń kiltin turǵyndarǵa ózi tabystady.

«Bizdiń oblysta turǵyn úı qurylysy qarqyndy júrip keledi. Solardyń nátıjesi - shaǵyn aýdandarda jyl saıyn qonys toıǵa kýá bolyp júrmiz. Bıyl «ıÝbıleınyı» móltek aýdanynda 100 páterli turǵyn úı qoldanysqa berildi. Bas merdiger - «BK Stroı» kompanııasy. Jergilikti atqarýshy bılik ınjenerlik-kommýnıkatsııalyq jelilerdiń sapaly tartylýyna barynsha atsalysýda. Oǵan qazynadan 4 mlrd teńge qarastyrylǵan. Tek qana qazandyqtyń ózine 1 mlrd shyǵyndalady. Bolashaqta osy shaǵyn aýdanda 47 kóp qabatty jańa baspana turǵyndarǵa beriletin bolady», - dedi A.Muhambetov.

«ıÝbıleınyı» shaǵyn aýdanynda áleýmettik nysandardyń qurylysy da ekpindi. Jastar saraıy, muzdy-sporttyq saraı salynyp jatyr. Kelesi jyly 1200 balaǵa arnalǵan mekteptiń qurylysy bastalady. Quny - 3 mlrd 200 mln teńge. Bastapqy qarjy 2019 jyly bólinedi.

Aımaq basshysy «Áýejaı» shaǵyn aýdanynda ıgilikke kýá bolǵaly otyrǵan 150 turǵynnyń qýanyshyn bólisýge bardy. Munda birden eki baspananyń ishi janǵa toldy. №26 jáne №33 úılerdiń qurylysy ótken jyldyń maýsym aıynda bastalǵan edi. Sapaly da sándi salynǵan 9 qabatty qos úı óz ıelerin tapty. Baspana quny - 1 sharshy metr úshin 140 myń teńge.

Belgili bolǵandaı, Qostanaıda «Nurly jer» baǵdarlamasy boıynsha kelesi jyly taǵy 1500 páter paıdalanýǵa berilmek.