Qostanaıda 26 qańtar kúni stýdentter men oqýshylar onlaın oqıtyn boldy

ASTANA. KAZINFORM — Erteń Qostanaıda qolaısyz aýa raıyna baılanysty keıbir oqýshylar men stýdentter qashyqtan oqytý formatyna kóshiriledi, dep habarlaıdy Kazinform agenttiginiń tilshisi.

Qalalyq qyzmetterdiń málimetinshe, 26 qańtarda aýa temperatýrasy –28…–30°C deıin tómendep, jel jyldamdyǵy 6 m/s-qa jetedi dep boljanǵan. Osyǵan baılanysty oqý protsesine ózgeris engizý týraly sheshim qabyldandy.

Osylaısha, birinshi aýysymda oqıtyn 1-2-kýrs stýdentteri qashyqtan oqytýǵa kóshiriledi. Al birinshi aýysymnyń 3-4-kýrs stýdentterin qashyqtan oqytýǵa aýystyrý týraly sheshimdi kolledjder ózderi aǵymdaǵy jaǵdaıǵa qaraı qabyldaıdy.

Sonymen qatar, MADS, KPP jáne birinshi aýysymnyń 1–11 synyp oqýshylary da qashyqtan oqytýǵa aýystyryldy.

Budan buryn habarlanǵandaı, erteń aqtóbelik 1-11 synyp oqýshylary qashyqtan oqıdy.