Qostanaı oblysynyń úzdik volonterleri marapattaldy
Jyl boıy jemisti jumys istegen volonter jastardy Qostanaı oblysynyń ákimi Arhımed Muhambetov marapattady. Aımaq basshysy jyl basynan beri is-sharalarǵa 6000 volonter qatysqanyn, olardyń qıyn jaǵdaıǵa tap bolǵan adamdarǵa kómekteskenin atap ótti.
«Volonter jastarymyz áleýmettik túrli jobalarǵa qatysyp, ózderin jaqsy jaǵynan kórsete bildi. Sol úshin volonterlik qozǵalystyń barlyq ókilderine birlesken jumys úshin alǵys aıtamyn. Eriktiler tótenshe jaǵdaı kezinde dári-dármekten basqa, muqtaj adamdarǵa qajetti azyq-túlikti túsirýden bastap, tasymaldaýǵa deıin kómektesti. Qaýipsizdik maqsatynda tasymaldaý kezinde barlyq eriktiler betperde, qolǵap jáne qorǵanys kostıýmderimen qamtamasyz etildi», -dedi oblys ákimi A.Muhambetov.
Sonymen «Jyl eriktisi» halyqaralyq syılyǵyn Jangeldın aýdanynyń «Jalyn» jastar uıymy, «Jomart júrek» syılyǵyn kásipker Borıs Knıazev ıelendi. «Jyldyń úzdik uıymy» atalymynda «Olja-Agro» JShS jeńiske jetse, «Eren erlik» syılyǵy 17 jasar Janseıit Qurmanǵalıevke berildi.
«Men volonterlermen birge dári-dármekterdi tasymaldaýǵa jáne jeke qorǵanys quraldaryn túsirýge belsendi kómek kórsettim. Arnaıy otrıadtar quramynda joǵalǵan adamdardy izdeýge, ekologııalyq aktsııalarǵa qatystym. Osy eńbegimdi baǵalaǵan kisilerge alǵysym zor», - deıdi volonter.
