Qostanaı oblysynyń ónerkásip kásiporyndary 860,4 mlrd teńgeniń ónimin óndirdi

NUR-SULTAN. QazAqparat – 2021 jyldyń basynan beri Qostanaı oblysynyń ónerkásiptik kásiporyndary 860,4 mlrd teńgeniń ónimin óndirdi. Bul týraly Qostanaı oblysynyń ákimi Arhımed Muhambetov aıtty, dep habarlaıdy QazAqparat tilshisi.

«Jyl basynan oblystyń ónerkásip kásiporyndary 860,4 mlrd teńgeniń ónimin óndirdi. Aıtarlyqtaı ósim kóbinese ındýstrııalandyrý jyldarynda ınvestıtsııalyq jobalardy iske asyrǵan kásiporyndardyń arqasynda múmkin boldy», - dedi oblys ákimi Ortalyq kommýnıkatsııalar qyzmetindegi baspasóz máslıhatynda.

Máselen, onyń dereginshe, óńdeý ónerkásibi mashına jasaý ónimderi óndirisin, metall buıymdary óndirisin jáne tamaq ónimderin ulǵaıtý esebinen 14,6 paıyzǵa aıtarlyqtaı ósimdi kórsetip otyr.

«Jalpy, ósý rezervteri retinde, taıaý jyldarǵa arnalǵan, shamamen 6,2 myń jumys orny ashyla otyryp, 2,0 trln teńge turatyn 80 jobalyq pýl qalyptastyryldy. Olar ekonomıkanyń ındýstrııaldyq sektoryn damytýǵa jáne ónerkásiptik óndiris kólemderiniń aıtarlyqtaı ósýine yqpal etetin bolady», - dedi Arhımed Muhambetov.