Qostanaı oblysynda taǵy bir ındýstrııalyq aımaq ashylady

QOSTANAI. QazAqparat- Jitiqara qalasynda qurylysy bastalǵan ındýstrııalyq aımaq 2019 jyly qoldanysqa beriledi. Bul týraly Jitiqara aýdanynyń ákimi Abaı Ibraev baspasóz máslıhatynda málim etti, dep habarlaıdy QazAqparat.

2014 jyly qurylys jumystary bastalǵan Jitiqara qalasyndaǵy ındýstrııalyq aımaq kelesi jyly iske qosylady. Bul jobaǵa 312 mln teńge jumsaldy. Aıta keteıik, byltyr jeltoqsan aıynda Qostanaı qalasynda oblystaǵy birinshi ındýstrııalyq aımaq ashylǵan bolatyn. 

«Osy jyly Jitiqaradaǵy ındýstrııalyq aımaqtyń jumys josparyna túzetýler engizildi. Basty maqsat - nysannyń smetalyq qunyn azaıtý. Buǵan deıin aımaqta avtojoldar salý jáne abattandyrý týraly josparlandy. Qazir qarjy jetispeýshiligine baılanysty únemdeýge májbúr bolyp otyrmyz. Jumsalatyn qarajatty qaıta eseptep, 60 mln teńge únemdedik. Endi jyl sońyna deıin ındýstrııalyq aımaqtyń daıyn jobalyq-smetalyq qujattaryn alamyz. 2019 jyly iske qosamyz», - dedi aýdan ákimi Abaı Ibraev.

Aýdan ákiminiń sózinshe, Jitiqaradaǵy ındýstrııalyq aımaqta kásip júrgizýge nıetti ınvestorlar jeterlik. Bastysy - olarǵa qolaıly jaǵdaı jasaý.

Jitiqara qalasynda «Tsıfrlyq Qazaqstan» baǵdarlamasy da qarqyndy júrgizilip keledi. «Qostanaı mıneraldary» AQ basqarma tóraǵasy Erbol Nurǵojaev Elbasy Joldaýyn iske asyrý sheńberinde óndiristik protsesterdi tsıfrlandyrý arqyly ındýstrııany damytý jáne Jitiqara aýdanyna ınvestıtsııalar tartý týraly máselelerdi áńgimelep berdi.

«Ónerkásipte tsıfrlyq tehnologııany keńinen qoldaný jumys ónimdiligine jol ashady ári eńbek qaýipsizdigin qamtamasyz etedi. Máselen, «Komarov taý-ken kásiporny» JShS kenishinde óndiristik eksplýatatsııaǵa dıspetcherlendirýdiń avtomatty júıesi iske qosyldy. Al «Polımetall» kompanııasynyń jyl saıynǵy ǵylymı-óndiristik konferentsııasynyń sheńberinde marksheıderlik sýretke túsirý jobasy ázirlenip jatyr.  ıAǵnı, kásiporyn jumys kúshin arttyrmaı-aq, óndiris kólemin ulǵaıta alady. Atqarylǵan jumystardyń qaýipsizdik deńgeıin kóterý arqyly óziniń óndiristik qýatyn eseleı túsedi, - deıdi ol.

Jobalyq basqarý, úderistik tásildi meńgerý, únemdi óndiris pen óndiristi avtomattandyrý tárizdi zamanaýı basqarý tetikteri arqyly «Qostanaı mıneraldary» AQ keıingi jyldary óziniń eńbek ónimdiligin edáýir arttyrdy. Sonyń arqasynda ortasha jalaqy kólemi, salyq túsimderi ulǵaıdy.

«Búgingi tańda birqatar pılottyq jobalar qaralyp jatyr. Atap aıtqanda, ІR-telefondar, jylý qazandyqtaryn avtomatty túrde basqarý, aýysymaldy medıtsınalyq tekserýdiń elektrondy júıesi, 3D modelderin formattaý, júk kólikteri júrgizýshileriniń qozǵalys qaýipsizdigin baqylaý júıesi, t.b tyń tásilderdi ıgermekpiz», -  deıdi Erbol Nurǵojaev.

Jalpy, sońǵy bes jyl kóleminde óńirge qyrýar ınvestıtsııa tartylǵan. Sandarǵa júginsek, ótken jyly onyń kólemi 41%-ǵa ulǵaıǵan. ıAǵnı, 2013 jylǵa qaraǵanda 4,7%-ǵa ósken. Bul aýdandaǵy kásiporyndardyń ınvestıtsııalyq belsendiliginiń joǵary ekenin kórsetedi.