Qostanaı oblysynda sibir eligin zańsyz atqan ańshylar qolǵa tústi

QOSTANAI.QazAqparat – Tártip saqshylary Uzynkól aýdanynda sibir eligin atyp alǵandardy qolǵa túsirdi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Uzynkól aýdandyq polıtsııa bóliminiń ýchaskelik ınspektory Denıs Nesın men Presnogorkov aýyldyq okrýginiń qoryqshysy Vladımır ıAshın Konıaevo kóliniń mańynda Toyota Hilux avtokóligin tekserdi.

«Kólikte Qostanaı qalasy men Beloglınka aýylynyń 3 turǵyny bolǵan. Jol talǵamaıtyn kóliktiń janynda zańsyz atylǵan eliktiń terisi jatty. Tekserý barysynda polıtseıler 16 kalıbrli eki uńǵyly myltyqty tárkiledi. Atalǵan derek QR QK 337-baby 3-bóligi boıynsha tirkeldi, qazir tergeý sharalary júrgizilýde», - delingen polıtsııa departamenti taratqan aqparatta.

Jyl basynan beri polıtseıler zańsyz ań aýlaýdyń 12 faktisin tirkedi.