Qostanaı oblysynda MJÁ aıasynda 17 mlrd teńgeniń jobalary iske asyrylýda
Bul týraly Ortalyq kommýnıkatsııalar qyzmetiniń alańynda Qostanaı oblysynyń ákimi Arhımed Muhambetov málim etti. Sondaı-aq ol memlekettik-jekeshelik áriptestik sheńberindegi jobalardy iske asyrý týraly Memleket basshysynyń tapsyrmasyn oryndaý barysy jóninde habardar etti.
«Oblysta 17,0 mlrd. teńge somasynda 45 memlekettik-jekeshelik áriptestik sharty jasaldy», - dedi Arhımed Muhambetov.
Jalpy ınvestıtsııa somasy 27,0 mlrd. teńgeden astam qarajatqa 68 joba boıynsha jumys júrgizilýde.
Sport salasy boınsha Rýdnyı qalasynda «FutsalArena» sport kesheni, Qostanaı qalasynda kúshtik sport túrleri akademııasy, sporttyq-kóńil kóterý kesheni jáne fýtbol maneji salyndy. Oblys ortalyǵynda 2,5 myń orynǵa arnalǵan muz aıdyny saraıynyń jáne 50 metrlik basseınniń qurylysy bastaldy.
Bilim berý salasynda Arqalyq, Lısakov jáne Jitiqara qalalarynda 4 balabaqsha paıdalanýǵa berildi.
