Qostanaı oblysynda aýyl ákimi saılaýyna 147 kandıdat tirkeldi

QOSTANAI. QazAqparat – Qostanaı oblysynda aýyl ákimderi tizimine kandıdattardy tirkeý kezeńi aıaqtaldy. Onyń qorytyndysy jaıly aımaqtyq kommýnıkatsııalar qyzmetinde ótken brıfıngte oblystyq saılaý komıssııasynyń múshesi Ásııa Dýanbaeva baıandap berdi, dep habarlaıdy QazAqparat.

Saılaý komıssııasy músheleriniń aqparatynsha, Qostanaı oblysy boıynsha barlyǵy 160 kandıdat usynylǵan, sonyń ishinde 65 kandıdatty saıası partııalar usynsa, 95 adam óz-ózderin usynǵan.

«Keshe, 14 shilde kúni saǵat 18:00-de saılaý naýqanynyń taǵy bir mańyzdy kezeńi – kandıdattardy tirkeý aıaqtaldy. 14 shilde kúngi saǵat 18:00-de aýyl, aýyldyq okrýg jáne kent ákimderi tiziminde 147 kandıdat tirkelgen. Sonyń ishinde 50 kandıdatty saıası partııalar usynsa, 88-i óz-ózderin usynǵan. 12 kandıdat túrli sebeptermen tizimnen shyǵaryldy. Beseýi sáıkes kelmeýi sebebimen tizimnen shyǵaryldy, tórteýi óz kandıdatýralaryn ótinish jazyp tizimnen alyp tastady, eki kandıdat uajetti qujattar usynbady, taǵy bireýi UQK jazǵan hattan keıin tizimnen shyǵaryldy. Saǵat 18-den keıin Aýmaqtyq saılaý komıssııasynyń sheshimimen taǵy eki kandıdat tirkeý úshin barlyq qajetti qujattardy usynbaýy sebebimen tirkelgen joq», - dep málimdedi Á.Dýanbaeva.

Tirkelgen kandıdattardyń barlyǵy kýálik alyp, saılaý komıssııasyna engizildi.

Sondaı-aq, barlyq kandıdattardyń joǵary bilimi bar, olardyń negizgi mamandyqtary – ekonomıst, zańger, oqytýshy jáne aýylsharýashylyq qyzmetkerleri.

Endi kandıdattardyń úgit-nasıhat jumysy bastaldy.