Qostanaı oblysynda aýyl ákimderin saılaýǵa 400-den asa baqylaýshy qatyspaq

QOSTANAI. QazAqparat – «Partııalyq emes baıqaý ortalyǵy» Respýblıkalyq qoǵamdyq birlestiginiń Qostanaı oblysy boıynsha fılıaly aldaǵy aýyl ákimderin saılaýǵa 400-den asa baqylaýshy daıyndamaq. Bul týraly atalmysh Ortalyq fılıalynyń tóraǵasy Bolat Qalıev málim etti, dep habarlaıdy QazAqparat tilshisi.

B. Qalıevtiń aıtýynsha, Ortalyqtyń qyzmeti saılaýǵa, onyń ishinde saılaý ýchaskelerinde baqylaý men monıtorıng júrgizý arqyly saılaý protsesine júıeli túrde qatysýǵa baǵyttalǵan.

«Qazirgi kezde oblystyq fılıalda 65 saılaý okrýginde jumys isteıtin 400 baqylaýshyny daıyndaý boıynsha jumys júrgizilip jatyr», - dep málimdedi B. Qalıev. – Baqylaýshylar úsh kezeń boıynsha daıyndalady: birinshi kezeń – baqylaýshylardy tirkeý, ekinshi kezeń – daıyndyq, úshinshi kezeń – baqylaýshylardy ádistemelik materıaldarmen jáne quqyq belgileıtin qujattarmen qamtamasyz etý.

Qazirgi kezde Ortalyqta baqylaýshylar onlaın rejımde azamattyq kodekstiń «Saılaý týraly» zańynyń negizgi baptary, negizgi jumys týraly aqparat beriletin oqytý kýrstary men semınarlarynan ótýde. B. Qalıevtiń aıtýynsha, qazirgi kezde óńirde oqytýdyń úshinshi kezeńi ótip jatyr.

Qostanaılyq fılıaldyń tóraǵasy baqylaýshylardyń saılaýǵa qatysýynyń ondaǵy ashyqtyq pen táýelsizdikti qamtamasyz etetinine senim bildirdi.