Qostanaı oblysynda alkogol ónimderin satýǵa ruqsat berildi

QOSTANAI. QazAqparat – Qostanaı oblysynda alkogol ónimderin kúnine tek úsh saǵat – 12:00-den 15:00-ge deıin satýǵa ruqsat berildi, dep habarlaıdy QazAqparat.

«14 qańtardan bastap barlyq saýda núkteleri men oıyn-saýyq oryndarynda alkogol ónimderin saǵat 12:00-den 15:00-ge deıin satý ruqsat etildi. Tıisti qujatqa Qostanaı oblysynyń komendanty qol qoıdy», - dep habarlady komendatýradan.
Eske sala ketsek, Qostanaı oblysynda 6 qańtardan bastap alkogol ónimderin satýǵa tyıym salynǵan. Tıisti qaýlyǵa Qostanaı oblysynyń komendanty Qaırat Dúısembekov qol qoıdy.
Eldegi jaǵdaıdyń turaqtalýyna baılanysty Qostanaı aýdanynda kólik HQKO men oblys óńirlerindegi toǵyz arnaıy sektor jumys isteı bastaǵan. Qostanaı oblysynyń aýmaǵynda 11 blok post alyndy.