Qostanaı oblysynda aqbóken atyp, múıizin satpaq bolǵandar ustaldy

QOSTANAI. QazAqparat – Qostanaı oblysynda úsh aqbókendi zańsyz atyp, múıizin satpaq bolǵan eki brakoner ustaldy, dep habarlaıdy QazAqparat.

Oqıǵa Jangeldın aýdanyna qarasty Sopyly eldi mekeninde bolǵan. Ustalǵan eki brakoner Arqalyq qalasy men Amangeldi aýdanynyń turǵyndary bolyp shyqty. Polıtseıler kúdiktiler mingen «Nıva» avtokóliginen eki ańshy myltyǵyn, 133 oq, 2 aqbóken múıizin alyp shyqqan.

«Kólik júksalǵyshynan sport sómkesi men egeý tabyldy. Polıtseıler kólik izimen júrip otyryp, 3 aqbóken óligin anyqtady. Aqbóken ólikteri saraptamaǵa jiberildi. Kúdiktiler qamaýǵa alynyp, uıaly telefondary tekserilip jatyr. Qazir tergeý amaldary júrýde», - dep málim etti Qostanaı oblysy polıtsııa departamentiniń baspasóz qyzmeti.

Aıta keteıik, mundaı oqıǵa oblysta jyl basynan beri ekinshi ret tirkelip otyr