Qostanaı oblysynda 125 mlrd teńgeniń 80 jobasy iske asyryldy
Sharaǵa Qostanaı oblysynyń ákimi Arhımed Muhambetov, tanymal aqyn-jazýshylar men qoǵam qaıratkerleri qatysty.
«Az ǵana ýaqyttyń ishinde elimizdi búkil álem tanydy. Biz myqty ekonomıka qurdyq. BUU Qaýipsizdik Keńesi músheligine ený men «EKSPO-2017» halyqaralyq mamandandyrylǵan kórmesiniń ótkizilýi - munyń anyq aıǵaǵy. Quqyqtyq salanyń durys jolǵa qoıylýy - el damýynyń basty kórsetkishi. Qazaqstannyń álemdik arenada ózindik orny bar. Oǵan qostanaılyqtardyń qosyp otyrǵan úlesi súbeli - bizde ındýstrıaldy-ınnovatsııalyq alań quryldy. Shaǵyn jəne orta bıznesti qoldaýshylar kóbeıdi. Jyl basynan eseptegende óndiris ónimderi 15%-ǵa artty, oǵan qosa 314 tonna un eksporttaldy. Kondıterlik ónim óndirý boıynsha da maqtanarlyq kórsetkishterimiz bar. 2010 jyldan bastap quny 125 mlrd teńgeni quraıtyn iri-iri 80 joba iske asyryldy. Aldaǵy jyly 1901 jumys orny ashylmaq. Bizdiń basty qundylyǵymyz - adam kapıtaly. Elbasynyń «Bolashaqqa baǵdar: rýhanı jańǵyrý» maqalasynda bul naqty kórsetilgen. Shúkir, beıbit ómir súrýdemiz. Joǵaryda atalǵandardyń barlyǵy Konstıtýtsııadaǵy baptar men baǵyttarǵa negizdelgen. Barlyqtaryńyzdy ulyq merekemen quttyqtaımyn!», - dedi ol.
Máslıhat hatshysynyń sózinen soń óner sheberleriniń merekelik tartýy usynyldy. Serik Əbilev, Manapbek Qadyrov, «Bəıterek» toby jáne basqa da ónerpazdar barsha qostanaılyqtardy merekemen quttyqtady. Fılarmonııanyń kameralyq orkestri men bir top kúıshini kórermender sahnadan dý-qol shapalaqpen shyǵaryp saldy. Shara sońy Prezıdent orkestriniń ánshisi Nurbolat Arzamastyń shyǵarmashylyq kontsertine ulasty.
Batyr Jolaıuly