Qostanaı oblysy TJD jol qaýipsizdigin baqylaý úshin arnaıy jasaq qurdy
Vedomstvonyń baspasóz qyzmetiniń málimetinshe, ázirge tótenshe jaǵdaılar týraly aqparat túsken joq.
«22 qańtar saǵat 18:00-den bastap aýa raıynyń kúrt sýytýyna baılanysty respýblıkalyq mańyzdaǵy «Jezqazǵan-Petropavl» (340-377 shaqyrym) baǵytyndaǵy barlyq avtokólikterge jol jabyq. Al oblystyq mańyzy bar joldardyń barlyǵy dızeldi otynmen júretin kólikter úshin jabyldy. Qazir joldarǵa arnaıy qar tazalaıtyn tehnıkalar jumyldyrylǵan. Barlyq jol qyzmetteri kúsheıtilgen tártipke aýystyryldy», - delingen TJD habarlamasynda.
Sondaı-aq, joldarda QR ІІM TJK Soltústik óńirlik aeroutqyr jedel-qutqarý jasaǵy men jergilikti polıtsııa qyzmeti kezekshilik etýde. Buǵan qosa joldaǵy qaýipsizdikti qadaǵalaý úshin oblystyq TJD arnaıy jasaq qurdy.
Aıta keteıik, aqparattyq-túsindirmeli jumystar jáne jedel psıhologııalyq kómek kórsetý úshin óńirde «112» telefony jumys istep tur.
