Qostanaı oblysyndaǵy órtti sóndirýge tikushaq tartyldy

ASTANA. KAZINFORM — Qostanaı oblysynda dala órtin sóndirýge TJM «Qazavıaqutqarý» tikushaǵy tartyldy. Bul týraly TJM baspasóz qyzmeti habarlady. 

Qamysty jáne Naýryzym aýdandarynda qurǵaq ósimdikterdiń jekelegen oshaqtary tirkelgen. Urqash jáne Drýjba aýyldarynyń arasynda ot lokalızatsııalanǵan.

— Órt sóndirýshilerge kómekke «Qazavıaqutqarý» MI-8 tikushaǵy tartyldy, oǵan 16 sý tógý jumysy iske asyrylyp, shamamen 48 tekshe metr sý quıyldy. Bort tek sóndirýge ǵana emes, sonymen qatar aýmaqty aerovızýaldy tekserýge de qatystyrylǵan, — delingen habarlamada.

Eldi mekender men orman qoryna qaýip joq. Jaǵdaı QR TJM turaqty baqylaýynda. 

Aıta ketelik órt sóndirýshiler Qostanaı oblysyndaǵy dala órtimen kúresip jatqany týraly jazǵan edik.