Qostanaı oblysyndaǵy eldi mekende kópir jaryldy

ASTANA. KAZINFORM — Qostanaı oblysynyń polıtsııa departamenti Naýryzym aýdany Dámdi aýyly mańyndaǵy kópirde jaryqshaq paıda bolǵanyn eskertti. Osynyń saldarynan kópirdiń opyrylyp qulaý qaýpi tónip tur. Ol jerde kólik qozǵalysy toqtatyldy.

Polıtsııa qyzmetkerleri jolaýshylarǵa jol júrýdi aldyn ala josparlap, túsinistikpen qaraýdy surady.

— Jezqazǵan-Petropavl respýblıkalyq tasjoly arqyly aınalma jol qarastyrylǵan. Marshrýttaryńyzdy aldyn ala josparlap, resmı aqparatqa súıenińizder, — delingen polıtsııa habarlamasynda.

Sondaı-aq, Qostanaı oblysy ákimdiginiń jolaýshylar kóligi jáne avtomobıl joldary basqarmasynyń basshysy Oljas Nurǵalıev kópirdiń qaýipti dep tanylǵanyn rastady.