Qostanaı oblysynda joldyń boıyn shegirtke qaptady
QOSTANAI. KAZINFORM — Qostanaı oblysynyń ońtústik bóligindegi tasjolda jergilikti turǵyndar shegirtke qaptap ketkenin kórgen. Zııankester túsirilgen vıdeo messenjer arqyly tarap jatyr.
Amangeldi aýdany aýmaqtyq ınspektsııasynyń basshysy Jandos Sattarov vıdeony túsindirdi.
«Toqanaı kenti janyndaǵy tasjol (Jangeldın aýdany — avt.). Koordınattar jazyldy. Qolaısyz aýa raıyna baılanysty munda ekinshi kún jumys isteı almaı otyrmyz. Jel basylsa, jumysty jalǵastyramyz», — dedi spıker.
Sondaı-aq agroónerkásip keshenindegi memlekettik ınspektsııa komıtetiniń Qostanaı oblystyq aýmaqtyq ınspektsııasy shegirtkege qarsy kúres aıasynda oblystyń 15 aýdanynda fıtosanıtarlyq sharalar júrgiziletinin túsindirdi.
10 maýsymdaǵy jaǵdaı boıynsha 64290 myń gektar aýmaqta hımııalyq óńdeý jumysy júrgizilgen.
Sonyń ishinde:
- Amangeldi aýdanynda 36,2 myń ga óńdeldi
- Arqalyq qalasynda 8,27 myń ga óńdeldi
- Jangeldın aýdanynda 6,6 myń ga óńdeldi
- Qamysty aýdanynda 11,97 myń ga óńdeldi
- Naýyrzym aýdanynda 1,25 myń ga óńdeldi.
Eske sala ketsek, buǵan deıin agroónerkásip keshenindegi memlekettik ınspektsııa komıtetiniń Qostanaı oblystyq aýmaqtyq ınspektsııasy egis alqaptarynda 72 tehnıka jumys istep jatqanyn habarlaǵan bolatyn:
- 20 jerdegi shtangaly sepkish
- 16 jerdegi jeldetkish sepkish
- aerozoldy gaz generatorlary — 20, asa jeńil avıatsııa (deltaplan túrinde) — 10
- 6 jeńil ushaq.
Jalpy oblys boıynsha qoımadaǵy pestıtsıd qory: 2431,8 myń gektardan astam aýmaqqa — 173,5 myń lıtr.
