Qostanaı oblysynda jol apatynan úsh adam mert boldy
ASTANA. KAZINFORM – Qostanaı oblysynda jol apatynan 6 adam zardap shekti. Apat saldarynan 3 adam mert boldy jáne 3-ýi aýrýhanaǵa jetkizildi. Bul aqparatty oblystyq polıtsııa departamentiniń baspasóz qyzmeti rastady.
- Aldyn ala málimet boıynsha, 16 jeltoqsan kúni tústen keıin Qarasý aýdany Gertseno kentinen 10 shaqyrym jerde «Qostanaı-Áýlıekól-Surǵan» tasjolynda Volvo jáne Toyota Alphard avtomobıli qaqtyǵysyp apat boldy. Jol apatynan jaraqat alǵan 3 adam oqıǵa ornynda kóz jumdy, taǵy úsheýi Áýlıekól aýdandyq aýrýhanasyna jatqyzyldy, - delingen habarlamada.
Óńirlik polıtsııa Qylmystyq kodekstiń 345-baby (abaısyzda eki nemese odan da kóp adamnyń ólimine ákep soqqan jol erejesin buzý áreketi) boıynsha tergeýdi bastady.
Eske sala keteıik, Qostanaı oblysy Rýdnyı qalasynda jol apatynan soń, avtobýs júrgizýshisi óz-ózine qol salǵan edi.