Qostanaı oblysynda turatyn qarııa qarasoradan taǵam daıyndaǵan

Polıtsııa Qostanaı oblysynyń 63 jasar turǵyny qarasoradan taǵam daıyndaǵanyn málimdedi, dep habarlaıdy Kazinform.

ІІM taratqan derekke qaraǵanda, "Quqyqtyq tártip" jedel aldyn-alý sharasy barysynda polıtseıler qarııanyń úıinen araq qorabynan salmaǵy 500 gramnan asatyn ósimdik tektes zattyń untaǵyn tapty.

"Er adam shópten densaýlyqqa "paıdaly" botqa pisiretinin aıtqan. Polıtseıler zatty saraptamaǵa jiberdi.

QR QK 296-baby boıynsha sotqa deıingi tergep-tekserý bastaldy. Qazirgi ýaqytta qajetti tergeý áreketteri júrgizilýde", - dep jazdy polıtsııadan.

Jyl basynan beri polıtsııa qyzmetkerleri zańsyz aınalymnan 480 keliden astam túrli esirtki zattaryn tárkiledi.