Qostanaı oblysynda kólik qozǵalysyna shekteý qoıyldy

ASTANA. KAZINFORM – QazAvtoJol Qostanaı oblysyndaǵy kólik qozǵalysyn shekteý týraly jedel aqparat usyndy, dep habarlaıdy Kazinform.

- 2024 jylǵy 16 jeltoqsanda saǵat 17:00-de Qostanaı oblysynda aýa raıynyń buzylýyna baılanysty «Qostanaı-Áýlıekól-Surǵan» 108-232 shaq., (Áýlıekól a. - Aqmola obl.shek.) júk jáne qoǵamdyq kólikterdiń qozǵalysyna shekteý qoıyldy, - delingen kompanııanyń habarlamasynda.

Jol qozǵalysynyń josparlanǵan ashylýy – 2024 jyldyń 17 jeltoqsany saǵat 08:00-de.

Qosymsha aqparatty táýliktiń kez kelgen ýaqytynda baılanys ortalyǵynyń 1403 nómiri arqyly alýǵa bolady.

Buǵan deıin «Qazgıdromet» el aýmaǵynyń basym bóligine belsendi soltústik tsıklonnyń jáne onymen baılanysty atmosferalyq fronttardyń yqpaly bolatynyn, onyń ishinde qar jaýatynyn, eldiń batysynda jańbyr, qar, al shyǵys, ońtústik-shyǵys, ortalyq bóliginde qalyń qar jaýatynyn habarlady.

Respýblıka boıynsha kóktaıǵaq, burqasyn, tuman, jeldiń kúsheıýi boljanyp otyr.