Qostanaı qalasy ákiminiń jańa orynbasary taǵaıyndaldy

QOSTANAI. QazAqparat - Qostanaı qalasy ákiminiń ókimimen Baqyt Serikbaıuly Qashyrbekov Qostanaı qalasy ákiminiń orynbasary qyzmetine taǵaıyndaldy. Sońǵy jyldary ol Eńbek jáne halyqty áleýmettik qorǵaý mınıstrliginiń Jumyspen qamtý jáne eńbek naryǵyn damytý departamentinde qyzmet atqarǵan, dep habarlaıdy QazAqparat tilshisi.

B.Qashyrbekov memlekettik qyzmette 11 jyldan astam, basshylyq qyzmette 6 jyl qyzmet etken. Eńbek jolyn 2002 jyly Qarabalyq aýdandyq bilim bóliminiń esepshisi bolyp bastaǵan.

2003 jyly memlekettik qyzmetke kelgen ol 2007 jylǵa deıin Qarabalyq aýdandyq bilim bóliminiń bas mamany qyzmetin atqardy.

2007-2010 jyldary Qarabalyq aýdandyq dene shynyqtyrý jáne sport basqarmasynyń basshysy boldy.

2010-2016 jyldar aralyǵynda Nur-Sultan qalasynyń ártúrli kommertsııalyq qurylymdarynda;

2017-2022 jyldar aralyǵynda Eńbek jáne halyqty áleýmettik qorǵaý mınıstrliginiń Jumyspen qamtý jáne eńbek naryǵyn damytý departamentinde túrli laýazymdarda qyzmet atqarǵan.

«Ol áleýmettik salada basshylyqty júzege asyrady: ishki saıasat, bilim berý, halyqty áleýmettik qorǵaý jáne jumyspen qamtý, densaýlyq saqtaý, jastar saıasaty, qoǵamdyq birlestikter, kásipodaqtar, onomastıka máselelerine jetekshilik etedi», - dep habarlady Qostanaı ákiminiń baspasóz qyzmeti.