Qostanaı aýrýhanalary ýaqytsha jylýsyz qalady

QOSTANAI. KAZINFORM — 3 naýryzda Qostanaıda jylý magıstralindegi úzilisti jóndeý jumystaryna baılanysty birqatar medıtsınalyq mekeme, sonyń ishinde oblystyq aýrýhana men perınataldyq ortalyqqa jylý berý shekteledi, dep habarlaıdy Kazinform menshikti tilshisi.

Jylý kompanııasynyń naqtylaýynsha, 2026 jyldyń 3 naýryzynda Qostanaıda dıametri 219 mm jer asty jylý magıstralindegi úzilisti jóndeý jumystary josparlanǵan.

Jylýmen jabdyqtaý ýaqytsha shekteý aımaǵyna kelesi mekenjaılardaǵy kóppáterli bes turǵyn úı kirip otyr: 

Letýnov kóshesi, 95 jáne 111; 

Shaıahmetov kóshesi, 110, 117A jáne 119A.

Shekteýler sondaı-aq birqatar áleýmettik jáne medıtsınalyq mekemege áser etedi: Qostanaı oblystyq aýrýhanasy, № 1 emhana, Qostanaı perınataldyq ortalyǵy, patologoanatomııalyq bıýro, Qostanaı JITS-tiń aldyn alý jáne kúres ortalyǵy, Іlııas Omarov atyndaǵy qazaq drama teatry jáne Ahmet Baıtursynuly atyndaǵy Qostanaı óńirlik ýnıversıteti. 

Úzilisti jóndeý jáne jylýmen jabdyqtaýdy qalpyna keltirý jumystary 3 naýryz kúni saǵat 9:00–den 20:00–ge deıin aıaqtalady dep josparlanyp otyr. Turǵyndar men tutynýshylardan ýaqytsha qolaısyzdyqtarǵa túsinistikpen qaraý suraldy.

Osyǵan deıin Qostanaı oblysynda aýyl mektebindegi sýyqqa baılanysty ata-analar shaǵymdanǵanyn jazdyq. 

Sondaı-aq Pavlodar JEO-1 jáne Aqsýdaǵy ROK-2 jylý stansasynda bıyl qysta aqaýlar tirkelgeni habarlandy. Ótken jylý berý kezeńimen salystyrǵanda munda tehnologııalyq zań buzýshylyqtar sany eki esege artqan.