Qosshy Astanaǵa qosyla ma

ASTANA. KAZINFORM — Elorda ákimi Jeńis Qasymbek Astana qalasyna Qosshy qalashyǵynyń qosylý múmkindigine qatysty saýalǵa jaýap berdi.

«Qańtarda ǵana 2035 jylǵa deıin qalany damytýdyń bas jospary bekitildi. Men sizderge resmı túrde naqty málimdeı alamyn, bekitilgen qujat aıasynda Qosshyny Astana qalasyna qosý atalǵan kezeńge deıin qarastyrylmaǵan», - dedi ol Úkimet otyrysynan keıingi brıfıngte agenttik tilshisiniń saýalyna oraı. 

Jeńis Qasymbek munan bólek elordaǵa irgeles Ilınka, Úrker eldi mekenderiniń bar ekendigin, olardy da qalaǵa qosý josparda joq ekenin atap ótti. 

«Ilınka balalary Úrkerge baryp oqıdy. Qazir eki mektep salyp jatyrmyz», - dedi elorda ákimi.