Kóshpendiler oıyny ótip jatqanda astanalyq stýdentter sabaqtan bosatyla ma

ASTANA. KAZINFORM — Ǵylym jáne joǵary bilim mınıstri Saıasat Nurbek BAQ ókilderimen ótken onlaın baspasóz máslıhatynda Astanada ótetin Kóshpendiler oıyny kezinde qaladaǵy joǵary oqý oryndary qalaı jumys isteıtinin aıtty.

«Kóshpendiler oıyny kezinde oqý protsesi qalaı uıymdastyrylatyny jóninde túpkilikti sheshim qabyldandy ma? Stýdentter sabaqty sál keshigip bastaı ma?» — dep surady jýrnalıst.

Mınıstr bul is-sharanyń joǵary bilim berý úrdisine eshqandaı áseri bolmaıtynyn aıtady. 

«Sheshim bar. Kóshpendiler oıyndary oqý protsesine eshqandaı áser etpeıdi. Astanadaǵy stýdentter qalypty rejımmen oqıdy. Bul mektepterge qatysty másele shyǵar. Biraq joǵary bilim boıynsha aıtsaq, shtattyq rejımde jumys isteımiz», — dedi Saıasat Nurbek.