Kóshpendiler oıyny: Qazaqstan medaldar sanyn 86-ǵa jetkizdi

ASTANA. KAZINFORM – 5-shi Dúnıejúzilik kóshpendiler oıyndarynyń besinshi jarsy kúninde qazaqstandyq sportshylar medaldar sanyn 86-ǵa jetkizdi.

Naqtyraq aıtsaq, búgin otandastarymyz el qorjynyna 6 altyn, 7 kúmis, 5 qola júlde syılady. Jalpy esepte Qazaqstan qorjynynda 32 altyn, 24 kúmis, 27 qola júlde bar. Osylaısha, jalpy esepte sportshylarymyz birinshi orynda kele jatyr.

Al búgin Qyrǵyzstan quramasy bir kúnde 6 altyn medal, 4 kúmis, 5 qola medal jeńip alyp, ekinshi orynǵa kóterildi. Olardyń enshisinde jalpy 16 altyn, 17 kúmis, 20 qola júlde bar.

Al úzdik úshinshi orynda kele jatqan Ózbekstan quramasynyń enshisinde 11 altyn, 12 kúmis, 11 qola medal bolsa, tórtinshi orynǵa 11 altyn, 10 kúmis, 24 qola medal jeńip alǵan Reseı quramasy ıelik etip keledi. Bestikti 2 altyn, 2 kúmis, 2 qola medalmen Túrkııa quramasy túıindep tur.

Búginge deıin jalpy 5-shi Dúnıejúzilik kóshpendiler oıyndarynyń júldesi 32 memlekettiń sportshylaryna buıyrdy.