Kóshpendiler oıyndary: Qusbegi Serikbek Kúntýǵan altyn aldy

ASTANA. KAZINFORM – Qazaqstandyq qusbegi Serikbek Kúntýǵan V Dúnıejúzilik kóshpendiler oıyndarynyń jeńimpazy atandy.  

Qusbegilikten ótken aqtyq synda búrkit salýdan Serikbek Kúntýǵanǵa teń keler eshkim bolmady. Osylaısha ol altyn júldege ıe boldy.  

Aıta ketsek, qusbegi oıynynda búrkit salýdan úsh otandasymyz aqtyq synǵa ótken edi. 

1. Baıqadamov Erzat (Qazaqstan);

2. Kýntýǵan Serikbek (Qazaqstan);

3. Kýshkarov Arman (Qazaqstan); 

Saıysta Qazaqstannan 6, Qyrǵyzstannan 2 jáne Mońǵolııa men Reseıden bir-bir tóreshi tórelik etti. 

Eske sala keteıik, atalǵan oıyn túrinen 10 elden 18 sportshy júldege talasty. 

Jarystyń ashylýynda federatsııa prezıdenti Berik Ýálı kóptegen sheteldik sportshynyń oıyndarǵa qatysýy joǵary mártebe ekenin ári jaýapkershilik júkteıtinin atap ótti.