Kóshpendiler órkenıeti dúnıejúzi tarıhynda óshpes iz qaldyrdy – Qasym-Jomart Toqaev
ASTANA. KAZINFORM – Memleket basshysy Qasym-Jomart Toqaev V dúnıejúzilik kóshpendiler oıyndaryn resmı túrde ashty.
«Besinshi dúnıejúzilik kóshpendiler oıyndaryna qosh keldińizder! Baýyrlas memleketterdiń basshylaryna zor rızashylyǵymdy bildiremin. Mártebeli meımandarǵa jáne sportshylarǵa shynaıy alǵys aıtamyn. Kóshpendiler órkenıeti dúnıejúzi tarıhynda óshpes iz qaldyrdy. Uly Dala kóshpendileri ejelden baıtaq Eýrazııany meken etken, olar jahandyq damý úderisine túbegeıli ózgeris ákeldi. Sol zamandaǵy ozyq tehnologııanyń ıesi boldy. Kóshpendiler bes myń jyl buryn jylqyny qolǵa úıretti. Dúnıeni dúbirletken salt attylar mádenıetin qalyptastyrdy», - dedi Qasym-Jomart Toqaev dúnıejúzilik kóshpendiler oıyndaryn resmı asha otyryp.
«Astana Arena» stadıonynda ótken sharaǵa Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Túrikmenstan Halk Maslahatynyń tóraǵasy Gýrbangýly Berdimuhamedov, Tatarstan Respýblıkasynyń Raısy Rýstam Mınnıhanov, Saha Respýblıkasynyń basshysy Aısen Nıkolaev, Mońǵolııanyń burynǵy prezıdenti Enhbaıar Nambaryn, Dúnıejúzilik etnosport konfederatsııasynyń prezıdenti Bilál Erdoǵan, sondaı-aq ıÝNESKO, AÓSShK, BUU Dúnıejúzilik týrızm uıymy, Túrki memleketteri uıymy, TÚRKSOI, Túrki ınvestıtsııalyq qory, Túrki memleketteriniń Parlamenttik assambleıasy, Islam sport qaýymdastyǵy, Azyq-túlik qaýipsizdigi jónindegi Islam uıymynyń basshylary, Eýropa Odaǵynyń Ortalyq Azııadaǵy arnaıy ókili jáne basqa da resmı tulǵalar qatysty.
Buǵan deıin habarlaǵanymyzdaı Astanada dúnıejúzilik kóshpendiler oıyndarynyń saltanatty ashylýy ótip jatyr.
