Qorshaǵan ortaǵa áserdi baǵalaý materıaldaryn ázirleý kezinde qoǵamdyq pikir esepke alynady
Energetıka mınıstriniń buıryǵy búgin, 17 qarashada respýblıkalyq BAQ-qa jarııalandy.
Osylaısha, sharýashylyq jáne ózge de qyzmetti negizdeıtin jobalaý adyndaǵy jáne jobalaý qujattamasyna qorshaǵan ortaǵa áserdi baǵalaý (QOÁB) materıaldaryn ázirleý kezinde qoǵamdyq pikirdi esepke alý júzege asyrylady. Qoǵamdyq pikirdi esepke alý jurtshylyqtyń QOÁB materıaldaryn ázirleý men talqylaýǵa qatysýy arqyly qamtamasyz etiledi jáne ony kózdelip otyrǵan sharýashylyq jáne ózge de qyzmettiń tapsyryskeri uıymdastyrady.
***
Qazaqstan Respýblıkasy Energetıka mınıstrliginiń buıryǵy №253
2016 jylǵy 17 maýsym Astana qalasy
«Josparlaý aldyndaǵy, josparlaý, jobalaý aldyndaǵy jáne jobalaý qujattamasyn ázirleý kezinde kózdelip otyrǵan sharýashylyq jáne ózge de qyzmettiń qorshaǵan ortaǵa áserine baǵalaý júrgizý boıynsha nusqaýlyqty bekitý týraly» Qazaqstan Respýblıkasy Qorshaǵan ortany qorǵaý mınıstriniń 2007 jylǵy 28 maýsymdaǵy № 204-ó buıryǵyna ózgerister engizý týraly»
Buıyramyn:
1. «Josparlaý aldyndaǵy, josparlaý, jobalaý aldyndaǵy jáne jobalaý qujattamasyn ázirleý kezinde kózdelip otyrǵan sharýashylyq jáne ózge de qyzmettiń qorshaǵan ortaǵa áserine baǵalaý júrgizý boıynsha Nusqaýlyqty bekitý týraly» Qazaqstan Respýblıkasy Qorshaǵan ortany qorǵaý mınıstriniń 2007 jylǵy 28 maýsymdaǵy № 204-ó buıryǵyna (Normatıvtik quqyqtyq aktilerdi memlekettik tirkeý tiziliminde № 4825 bolyp tirkelgen, 2007 jyly 22 tamyzda «Zań gazeti» gazetinde № 128 (1331) sanynda jarııalanǵan) mynadaı ózgerister engizilsin:
ataý mynadaı redaktsııada jazylsyn:
«Qorshaǵan ortaǵa áserdi baǵalaý júrgizý jónindegi nusqaýlyqty bekitý týraly»;
1-tarmaq mynadaı redaktsııada jazylsyn:
«1. Usynylyp otyrǵan qorshaǵan ortaǵa áserdi baǵalaý júrgizý jónindegi nusqaýlyq bekitilsin.»;
kórsetilgen buıryqta bekitilgen Josparlaý aldyndaǵy, josparlaý, jobalaý aldyndaǵy jáne jobalaý qujattamasyn ázirleý kezinde kózdelip otyrǵan sharýashylyq jáne ózge de qyzmettiń qorshaǵan ortaǵa áserine baǵalaý júrgizý boıynsha nusqaýlyqta:
ataý mynadaı redaktsııada jazylsyn:
«Qorshaǵan ortaǵa áserdi baǵalaý júrgizý jónindegi nusqaýlyq»;
1-tarmaq mynadaı redaktsııada jazylsyn:
«1. Qorshaǵan ortaǵa áserdi baǵalaý júrgizý jónindegi nusqaýlyq (budan ári - Nusqaýlyq) Qazaqstan Respýblıkasynyń Ekologııalyq kodeksiniń 28- tarmaqshasynyń 17-babyna sáıkes jáne basqa da normatıvtik-quqyqtyq aktilerge sáıkes jasalyp otyr.»;
3-tarmaq mynadaı redaktsııada jazylsyn:
«3. Osy Nusqaýlyq jobalaý aldyndaǵy, jobalaý qujattamasyna sáıkes kózdelip otyrǵan sharýashylyq jáne ózge de qyzmetti uıymdastyrýdyń barlyq satylarynda ony ázirleý jáne júrgizý týraly sheshimderdi qabyldaý kezinde QOÁB ótkizýdiń jalpy tártibin aıqyndaıdy.
QOÁB kelesi jobalyq qujattamalar úshin jasalady:
1) Kásiporyndardy, obektilerdi, keshenderdi salý salasy nemese damý baǵdarlamasyn negizdeý satysynda;
2) Qazaqstan Respýblıkasynyń zańnamasymen bekitilgen qala qurylysy men qurylysty jobalaý;
3) Kásiporyndardy, obektilerdi, keshenderdi salýdyń tehnıkalyq-ekonomıkalyq negizdemesi jáne esepteri, onyń jumys qujattamasynyń jobalary (keńeıtý, jańartý, tehnıkalyq);
4) tehnologııalardy, tehnıka men jabdyqtardy, onyń ishinde Qazaqstan Respýblıkasyna ótkiziletinderin (ákelinetinderin) qoldaný jónindegi jobalyq qujattama.»;
6-tarmaqtyń besinshi bóligi mynadaı redaktsııada jazylsyn:
«ІV sanatqa óndiristik obektilerdi sanıtarlyq synyptaýǵa sáıkes qaýiptiliktiń 5 cynybyna jatatyn qyzmet túrleri jatady.»;
7-tarmaq mynadaı redaktsııada jazylsyn:
«Qazaqstan Respýblıkasyndaǵy sharýashylyq jáne ózge de qyzmetti negizdeıtin jobalaý aldyndaǵy jáne jobalaý qujattamasynyń barysynda QOÁB rásimi nátıjeleri memlekettik ekologııalyq saraptamanyń qaraýyna jiberiletin júıeli is-qımyldar reti boıynsha ótkiziledi.»;
20-tarmaqtyń birinshi bólimi mynadaı redaktsııada jazylsyn:
«20. Aldyn ala QOÁB sharýashylyq jáne ózge de qyzmetti negizdeıtin jobalaý aldyndaǵy (ınvestıtsııalaý aldyndaǵy) qujattamada, sharýashylyq jáne ózge de qyzmetke kirisýdiń bastapqy kezeńinde jasalatyn baǵalaý sıpatyndaǵy jobalaý aldyndaǵy qujattamada, sondaı-aq jobalyq qujattamany ázirleýdiń aldyndaǵy «Investıtsııalardy negizdeý» negizgi jobalaý aldyndaǵy qujatta jasalady, ol tómendegilerdi qamtıdy:»;
24 jáne 25-tarmaqtar mynadaı redaktsııada jazylsyn:
«24. Baǵalaý sıpatyndaǵy josparlaý aldyndaǵy qujattamany memlekettik ekologııalyq saraptamaǵa usynǵanǵa deıin kózdelip otyrǵan qyzmettiń tapsyrys berýshisi usynylatyn materıaldardy jurtshylyqpen birge talqylaýdy ótkizedi.
25. Kózdelip otyrǵan qyzmettiń tapsyrys berýshisi úshin memlekettik ekologııalyq saraptamanyń oń qorytyndysy jobalaý aldyndaǵy qujattamada qarastyrylǵan Aldyn ala QOÁB jasaý kezinde barynsha utymdy úlgimen tańdalǵan kózdelip otyrǵan qyzmettiń naqty obektileri men qurylystaryn jobalaýdy bastaý (jiti jobalaý) jóninde sheshim qabyldaýǵa negiz bolyp tabylady»;
27- tarmaq mynadaı redaktsııada jazylsyn:
«27. Jumys jobasyna (jumys qujattamasyna) «Qorshaǵan ortany qorǵaý» bólimin (budan ári - Bólim) ázirleý QOÁB rásiminiń úshinshi kezeńi bolyp tabylady.
Bólim QOÁB jobalaý satysynda qabyldanǵan, kózdelip otyrǵan qyzmetti iske asyrý boıynsha jekelegen tehnıkalyq sheshimder jumys jobasyn (jumys qujattamasyn) (3-qosymsha) daıyndaý kezinde aıtarlyqtaı ózgergen jaǵdaıda ázirlenedi. Bul jaǵdaıda bólimdi ázirleý QOÁB ekinshi kezeńinde jasalǵan QOÁB materıaldaryna qatysty túzetýshi sıpatta bolady.»;
4-1 bólimniń ataýy mynadaı redaktsııada jazylsyn;
«4-1. Tehnologııalardy, tehnıka men jabdyqtardy qoldaný jónindegi jobalaý qujattama úshin qorshaǵan ortaǵa áserin baǵalaý erekshelikteri»;
42-1 tarmaqtyń birinshi bóligi mynadaı redaktsııada jazylsyn:
«Kólik quraldary men jabdyqtardy qospaǵanda, tehnologııalardy, tehnıka men jabdyqtary qoldaný jónindegi jobalaý qujattamasyna arnalǵan QOÁB osy nusqaýlyqqa sáıkes tıisti joba aıasynda ótkiziledi.»;
42-2-tarmaqtyń birinshi bólimi mynadaı redaktsııada jazylsyn:
«42-2. Qazaqstan Respýblıkasynyń aýmaǵynda ótkiziletinderdi (ákelinetinderdi), óndiriletinderdi qosa alǵanda, kólik quraldary men jabdyqty qospaǵanda ózdik (ázirlengen jáne qoldanylýǵa josparlanǵan) tehnologııaǵa, tehnıkaǵa jobalaý qujattama úshin QOÁB mynadaı qujattar negizinde júrgiziledi:»;
48-tarmaq alyp tastalsyn;
49-tarmaq mynadaı redaktsııada jazylsyn:
«49. QOÁB ótkizýi barysynda sharýashylyq jáne ózge de qyzmetti negizdeıtin jobalaý aldyndaǵy jáne jobalaý qujattamasynyń tapsyryskeri:
1) qujattamany daıyndaýdyń barlyq kezeńderinde QOÁB boıynsha barlyq qajetti ekologııalyq izdestirýler, zertteýler jáne jumystardyń (rásimderdiń) oryndalýyn uıymdastyrady;
2) jurtshylyqqa habarlaýdy jáne onyń QOÁB júzege asyrý barysynda qatysýyn qamtamasyz etedi;
3) QOÁB materıaldaryna qol jetkizýin qamtamasyz etedi;
4) Kózdelip otyrǵan (usynylyp otyrǵan) qyzmettiń túrin tańdaý kezinde QOÁB nátıjelerin eskeredi;
5) memlekettik baqylaý jáne qadaǵalaý organdaryna Qazaqstan Respýblıkasynda bekitigen tártip pen rásimderge sáıkes QOÁB materıaldaryn usynady;
6) jobalaý aldyndaǵy jáne jobalyq qujattamanyń barlyq ótý kezeńderinde (kelisý, bekitý) quzyrly organdardyń sharttaryn, kepildemelerin jáne usynystaryn oryndaıdy;
7) kózdelip otyrǵan qyzmettiń qorshaǵan ortaǵa teris áserlerin boldyrmaý (normatıvti deńgeılerge deıin tómendetý) jónindegi sharalardyń tıimdiligine jaýap beredi.»;
50-tarmaqtyń 3)-tarmaqshasy mynadaı redaktsııada jazylsyn:
«3) Tapsyrys berýshimen birge memlekettik ekologııalyq saraptama rásimin ótý kezinde qorshaǵan ortany qorǵaý jónindegi QOÁB boıynsha usynylatyn materıaldardy qaraýǵa qatysady.»;
51-tarmaqtyń birinshi bóligi mynadaı redaktsııada jazylsyn:
«51. Sharýashylyq jáne ózge de qyzmetti negizdeıtin jobalaý adyndaǵy jáne jobalaý qujattamasyna QOÁB materıaldaryn ázirleý kezinde qoǵamdyq pikirdi esepke alý júzege asyrylady. Qoǵamdyq pikirdi esepke alý jurtshylyqtyń QOÁB materıaldaryn ázirleý men talqylaýǵa qatysýy arqyly qamtamasyz etiledi jáne ony kózdelip otyrǵan sharýashylyq jáne ózge de qyzmettiń tapsyryskeri uıymdastyrady.»;
1,2,4,5 - qosymshalardyń mátini joǵarǵy oń jaq buryshta mynadaı redaktsııada jazylsyn:
«Qorshaǵan ortaǵa áserdi baǵalaý jónindegi nusqaýlyqqa 1-qosymsha;
Qorshaǵan ortaǵa áserdi baǵalaý jónindegi nusqaýlyqqa 2-qosymsha;
Qorshaǵan ortaǵa áserin baǵalaý jónindegi nusqaýlyqqa 4-qosymsha;
Qorshaǵan ortaǵa áserin baǵalaý jónindegi nusqaýlyqqa 5-qosymsha»;
3-qosymsha osy buıryqtyń qosymshasyna sáıkes jańa redaktsııada jazylsyn.
2. Qazaqstan Respýblıkasy Energetıka mınıstrliginiń Munaı-gaz keshenindegi ekologııalyq retteý, baqylaý jáne memlekettik ınspektsııa komıteti Qazaqstan Respýblıkasynyń zańnamasynda belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi, Qazaqstan Respýblıkasy etalon baqylaý normatıvtik quqyqtyq aktiler bankine engizý úshin;
3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıtse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Energetıka mınıstri
Q. BOZYMBAEV
Qazaqstan Respýblıkasy Energetıka mınıstriniń 2016 jylǵy 17 maýsymdaǵy № 253 buıryǵyna qosymsha
Qorshaǵan ortaǵa áserdi baǵalaý jónindegi nusqaýlyqqa 3-qosymsha
Qorshaǵan ortaǵa áserdi baǵalaý materıaldaryn ázirleý satylarynyń Qazaqstan Respýblıkasynda sharýashylyq jáne ózge de qyzmetti negizdeıtin jobalaý aldyndaǵy jáne jobalaý qujattamany oryndaýdyń satylaryna sáıkes kelýi
Qorshaǵan ortaǵa áserin baǵalaý materıaldaryn ázirleý satylary Jobalaý satylary Qala qurylysyn jobalaý satylary
1. Qorshaǵan ortaǵa áserdi aldyn ala baǵalaý - Aldyn ala QOÁB (birinshi saty) Investıtsııalar negizdemesi, tehnıka-ekonomıkalyq negizdeme, tehnıka-ekonomıkalyq negizdemeler, bıznes-josparlary jáne basqa jobalaý aldyndaǵy qujattar, ken oryndardy ıgerý jáne tehnologııalyq sulbalardyń jobalary Qala qurylysyn josparlaýdyń, oblystardyń aýmaqtaryn damytýdyń keshendi sulbalary jáne qala qurylysyn josparlaýdyń, ákimshilik aýdandardyń aýmaqtaryn damytýdyń keshendi jobalary. Qalanyń bas josparynyń tujyrymdamalary (uzaq merzimdi damý qyzmeti boljamdary).
2. Qorshaǵan ortaǵa áserdi baǵalaý - QOÁB (ekinshi saty) Joba, Tájirıbelik-óndiristik óndirý jobalary, ken oryndaryn ornalastyrý jobalary, tehnıkalyq jobalar Іri qalalardyń bas josparlary. Іri ónerkásipti aımaqtardyń jáne ónerkásiptik aýdandardyń josparlaý jobalary.
3. «Qorshaǵan ortany qorǵaý» taraýy - (úshinshi saty) Jumys jobasy (jumys qujattamasy) 50 myńnan kem turǵyny bar qalalardyń, kentterdiń jáne aýyldyq eldi mekenderdiń bas josparlary. Kishigirim ónerkásip aımaqtaryn jáne ónerkásip aýdandaryn josparlaýdyń jobalary.
Buıryq Qazaqstan Respýblıkasynyń Ádilet mınıstrliginde 2016 jylǵy 27 shildede Normatıvtik quqyqtyq kesimderdi memlekettik tirkeýdiń tizilimine №14007 bolyp engizildi.
