Kórshi Reseıde adyraspanǵa tyıym salyndy
ASTANA. KAZINFORM — Qazaqstannyń Іshki ister mınıstrligi elimizdiń azamattaryn kórshi Reseıge adyraspan alyp barýǵa bolmaıtynyn eskertti.
«Bıyl aqpan aıynan bastap Reseı Federatsııasynda garmala degen ósimdik, ıaǵnı jalpaq tilmen aıtqanda adyraspan tyıym salynǵan ósimdikter qataryna engizildi. Ony sol elge aparǵany úshin qylmystyq jaýapkershilik qarastyrylǵan. 1 mıllıon rýblge deıin aıyppul nemese 7 jylǵa deıin bas bostandyǵynan aıyrý jazasy eskerilgen», — dedi Іshki ister mınıstrliginiń resmı ókili Shyńǵys Alekeshev vedomstvoda ótken aptalyq brıfıngide.
Onyń aıtýynsha, kórshi elge asa iri mólsherde aparǵandarǵandarǵa 15 jyldan 20 jylǵa deıin bas bostandyǵynan aıyrý jazasy bar.
«Sondyqtan, Іshki ister mınıstrligi shetelge shyǵýdy josparlap otyrǵan Qazaqstan azamattaryna baratyn eldiń zańyn bilip júrýge keńes beredi. Shet memleketterdiń aýmaǵynda tyıym salynǵan ósimdikter men dárilik preparattarǵa nazar aýdarý qajet. Óz saparyńyzǵa jaýapkershilikpen qarańyzdar», — dedi resmı ókil.
